Тошкент шаҳрининг Чилонзор ҳамда Яшнобод туманларида 15 март куни газ таъминоти вақтинча тўхтатилади. Бу ҳақда “Ҳудудгаз Пойтахт” газ таъминоти филиали ахборот хизмати хабар берди.
Хабарга кўра, таъмирлаш ишлари сабабли эртага Чилонзор туманининг айрим жойларида табиий газ таъминоти вақтинчалик тўхтатилади. Чилонзор тумани Бунёдкор кўчаси, “Novza” метро бекати ёнидаги, ўрта босимли ерости д-89 ммли газ қувурида ва Чилонзор мавзесидаги “Метро маркет” биноси ёнидан ўтган, ўрта босимли ерости д-57 ммли газ қувуридан газ сизиб чиқиши аниқланган.
Ҳолатни бартараф қилиш ишлари “Ҳудудгаз Пойтахт” ГТФнинг “Чилонзортумангаз” газ таъминоти бўлими томонидан амалга ошириш режалаштирилган. Шу туфайли 15 март куни соат 10:00 дан 17:00 га қадар қуйидаги табиий газ истеъмолчиларида газ таъминоти вақтинчалик тўхтатилади. Шундан аҳоли истеъмолчилари:
- “Чилонзор” МФЙдаги жами 1890 та уй хўжалиги ҳамда кўп қаватли уйлардаги аҳоли хонадонларида;
- “Чарх комолон” МФЙдаги 894 та уй хўжалигида;
- “2- Чарх комолон” МФЙда жойлашган кўп қаватли уйлардаги жами 2240 аҳоли хонадонларида;
- “3- Чарх комолон” МФЙда жойлашган кўп қаватли уйлардаги жами 2460 аҳоли хонадонларида;
- “Катта Чилонзор 1” МФЙда (1-мавзе) жойлашган кўп қаватли уйлардаги жами 2180 аҳоли хонадонларида;
- “Катта Чилонзор 2” МФЙда (2-мавзе) жойлашган кўп қаватли уйлардаги жами 2284 аҳоли хонадонларида;
- “Катта Чилонзор 3” МФЙда (3-мавзе) жойлашган кўп қаватли уйлардаги жами 2470 аҳоли хонадонларида;
- “Novza” МФЙда (4-24-мавзелар) жойлашган кўп қаватли уйлардаги жами 2880 аҳоли хонадонларида;
- “Бешчинор” МФЙда (5-мавзе) жойлашган кўп қаватли уйлардаги жами 2320 аҳоли хонадонларида;
- “Дилобод”, “Халқлар дўстлиги” МФЙларида (6-мавзе) жойлашган кўп қаватли уйлардаги жами 3220 та аҳоли хонадонида;
- Чилонзор 5-мавзеда жойлашган 1-2-3-4-49-50 кўп қаватли уйлардаги жами 504 та аҳоли хонадонида.
Шунингдек, таъмирлаш ишлари сабабли Яшнобод туманининг айрим жойларида ҳам табиий газ таъминоти вақтинчалик тўхтатилади. Яшнобод тумани “Баҳор” МФЙ, ҳудудидан ўтган ўрта босим д-219 ммли зулфунини таъмирлаш ишлари “Ҳудудгаз Пойтахт” ГТФнинг, “Яшнободтумангаз” газ таъминоти бўлими томонидан амалга ошириш режалаштирилган.
Шу сабабли 15 март куни соат 10:00 дан 17:00 га қадар туманнинг “Баҳор” МФЙдаги жами 450 та уй хўжалигида ҳамда ҳудуддаги 3 та улгуржи истеъмолчиларида табиий газ таъминоти вақтинчалик тўхтатилади.
Таъмирлаш ишлари якунлангач, табиий газ таъминоти қайта тикланади. Етказилаётган ноқулайликлар учун “Ҳудудгаз Пойтахт” газ таъминоти филиали истеъмолчилардан узр сўрган.
Изоҳ (0)