Qozog‘istonda sinoptiklar 1940-yildagi havo harorati rekordi yangilanganini ma’lum qildi. Bu haqda Tengrinews xabar berdi.
Sinoptiklar 2023-yilning fevral oyidagi ob-havo ma’lumotlarini taqdim etdi. Bu oyda respublikaning aksariyat hududlarida havo harorati me’yordan 1-3 daraja yuqori bo‘lgan. Qarag‘anda viloyatidagi Balxash ob-havo stansiyasida termometrlar +3,1 darajani ko‘rsatgan. Shunday qilib, havo harorati maksimal +2,8 darajaga ko‘tarilib, 1940-yil rekordi yangilangan.
1978-yildagi uchta harorat rekordi ham yangilangan:
22-fevral kuni Qostanay viloyatida Arkaliq meteorologiya stansiyasida havoning eng yuqori harorati +3,5 darajani tashkil etgan va oldingi rekord +3 darajani yangilagan; xuddi shu kuni Ostona meteorologiya stansiyasida havoning maksimal harorati +4,8 darajani tashkil etdi (ilgari u +2,7 daraja edi);
23-fevral kuni Pavlodar meteorologiya stansiyasida havoning maksimal harorati +3,4 daraja (ilgari +3 daraja) bo‘lgan.
Sharqiy Qozog‘iston viloyatida esa 22-fevral kuni “Ust-Kamenogorsk” meteorologiya stansiyasida +6,5 daraja issiq bo‘ldi, shu bilan 1991-yildagi rekord (+4,5 daraja) yangilandi.
22-fevral rekordlarga boy bo‘lgan, xususan Jezkazgan meteorologiya stansiyasida havo +4,3 darajagacha qizib, 1999-yilgi rekordni (+2,7 daraja) yangiladi.
20-fevral kuni Mang‘istov viloyatida Aqtau meteorologiya stansiyasi havo haroratining maksimal +12 daraja qayd etdi va shu bilan 2002-yildagi rekordni (+11,1 daraja) yangiladi.
Izoh (0)