Ukrainaning “Shaxtyor” klubi FIFAning qilayotgan ishlarini tanqid ostiga oldi.
“Shaxtyor” klubi bosh direktori Sergey Palkin tashkilot Ukraina klublarini qashshoq va ojiz qilib qo‘ymoqda deb hisoblaydi. Avvalroq FIFA chet ellik futbolchilarga Rossiya va Ukraina klublari bilan shartnomalarni bekor qilish huquqini bergandi.
“FIFA Ukraina klublariga yordam berishi kerak. Ular esa bizni qashshoq va ojiz qilib qo‘ymoqda.
Ba’zi chet ellik futbolchilarni qaytarishga urindik, biroq natija bo‘lmadi. Ularga xavfsizlik formulalarini ham ko‘rsatdik. Lekin ular bunga rozi bo‘lmadi.
Albatta, har bir futbolchining ortida agenti turadi. Hozir agentlarning xayolida FIFA yana bir marta ruxsat berdi, undan so‘ng yana ruxsat beradi, keyin esa mijozi erkin agentga aylanadi, degan narsa aylanmoqda. Shu tariqa agentlar futbolchining ortidan juda ko‘p pulga ega bo‘ladi.
Futbolchilarga sarmoya kiritayotgan Ukraina klublari esa hech vaqosiz qolmoqda”, — deydi Palkin.
Izoh (0)