Futbol bo‘yicha 20 yoshgacha bo‘lgan futbolchilar o‘rtasidagi Osiyo Kubogi chorak finalida Janubiy Koreya va Xitoy yoshlari 12-mart, yakshanba kuni o‘zaro to‘qnash keldi.
Uchrashuvning birinchi bo‘limida darvozalar daxlsiz qoldi. Ikkinchi bo‘limning uchinchi daqiqasida xitoyliklar Mutellip Iminqarining goli evaziga oldinga o‘tib oldi.
62-daqiqada Janubiy Koreya vakillari penaltidan to‘p kiritgan holda muvozanatni tikladi. Asosiy vaqtning qolgan daqiqalarida hisob o‘zgarmadi. Qo‘shimcha bo‘limlarda koreyaliklar ikkita to‘p kiritgan holda g‘alabani ilib ketdi.
Shu tariqa Janubiy Koreya yoshlar terma jamoasi yarim finalga yo‘l olgan holda U-20 Jahon chempionati yo‘llanmasiga ham ega chiqdi. Ushbu terma jamoasi final yo‘lida O‘zbekiston yoshlariga raqib bo‘ladi. O‘yin 15-mart kuni “Bunyodkor” stadionida bo‘lib o‘tadi.
Yana bir yarim finalchi Iroqning raqibi Yaponiya va Iordaniya yoshlar terma jamoalari o‘rtasidagi uchrashuvda aniqlanadi.
Osiyo Kubogi—2023
Chorak final bahsi
12-mart, yakshanba
Janubiy Koreya U-20 — Xitoy U-20 3:1
Gollar: 0:1 – 48 Iminqari, 1:1 – 62, penalti Kim Yon Hak, 2:1 – 100 Sun Jin Yon, 3:1 – 105 Choy Suk Hyon.
Izoh (0)