“O‘zgidromet” 13—17-mart kunlariga ob-havo prognozini e’lon qildi. Unga ko‘ra, ushbu hafta davomida respublika bo‘yicha asosan kam bulutli, quruq ob-havo bo‘ladi.
Dam olish kunidagi sovuqdan so‘ng, dushanba, 13-mart kuni kunduzi havo isiy boshlaydi va haftaning o‘rtasiga kelib, kunduzgi havo harorati 22-25 darajaga yetadi. Janubda ba’zi joylarda 26-28 darajagacha ko‘tariladi.
Haftaning ikkinchi yarmida Qozog‘iston bo‘yicha o‘tayotgan antisiklon respublika hududi bo‘yicha kunduzgi havo haroratini 18-20 darajagacha pasaytiradi.
15—16-mart kunlari respublikaning shimoliy va cho‘l hududlarida shamol tezligi 15-20 metr/sekundgacha kuchayishi kutilmoqda.
13—15-martda respublika tog‘li hududlarida qor ko‘chishi xavfi bor.
Toshkentda 13-mart, dushanba kuni va hafta oxirigacha havo biroz bulutli bo‘ladi, vaqti-vaqti bilan o‘zgarib turadi, yog‘ingarchilik kutilmaydi. Shamol sharqiy yo‘nalishda birozdan o‘rtachagacha bo‘lgan tezlikda esadi.
Havo harorati asosan 18-22 daraja iliq bo‘ladi.
Izoh (1)
Bu albatta unumdorlikni oshiradi