Qozog‘istonning Aqto‘be viloyatidagi Qorabutak–Kostanay avtomobil yo‘lining 144-qismida buzilib qolgan avtobusdan 63 nafar O‘zbekiston fuqarosi evakuatsiya qilindi. Bu haqda Qozog‘iston Favqulodda vaziyatlar vazirligi xabar berdi.
Ma’lum qilinishicha, 12-mart kuni Aqto‘be viloyati Favqulodda vaziyatlar boshqarmasiga avtobusda nosozlik kuzatilgani haqida xabar kelib tushgan. Hodisa joyiga qutqaruvchilar va texnikalar jo‘natilgan.
Qutqaruvchilar 63 nafar O‘zbekiston fuqarosini avtobusdan evakuatsiya qilgan. Ular Aytekebi tumanidagi maktablardan biriga joylashtirilgan.
Eslatib o‘tamiz, 3-mart kuni Qozog‘istonning Aqto‘be viloyatida qorda qolib ketgan 106 nafar O‘zbekiston fuqarosi evakuatsiya qilingandi. O‘zbekistonliklar bo‘lgan 2 ta avtobus Samara—Chimkent yo‘lida qolib ketgan. Qutqaruvchilar 106 kishini evakuatsiya qilib, Ayteke biy qishlog‘i masjidiga joylashtirgan.
Izoh (0)