Toshkent shahrida chakana savdoda birinchi dovuchcha paydo bo‘ldi. “Korzinka” supermarketlar tarmog‘ining faqat bitta do‘konida dovuchchaning 100 grammi 99 990 so‘mdan sotilmoqda. Bu 1 kg uchun 999 900 so‘m degani.
2023-yilda paydo bo‘lgan ilk dovuchcha o‘tgan yilgiga qaraganda roppa-rosa 10 barobar qimmatroq bo‘ldi.
EastFruit ma’lumotlariga ko‘ra, Toshkentdagi supermarketlarda dovuchcha quyidagi sana va narxlarda paydo bo‘lgan:
2022-yil: 6-martda 100 gramm uchun 9 990 so‘m (0,92 dollar) narxda, bu 1 kg uchun 9,2 dollarga to‘g‘ri keladi.
2021-yil: 9—10-mart kunlari 100 gramm uchun o‘rtacha 7 500 so‘m (0,71 dollar) narxda, ya’ni 1 kg uchun 7,1 dollar.
2020-yil: 11-martda 100 gramm uchun 9 599 so‘m (1 dollar) narxda, ya’ni 1kg uchun 10,1 dollar.
Ma’lumotlardan ko‘rinib turibdiki, 2023-yilgi narxlar avvalgilariga qaraganda 10-13 barobar yuqori.
Mutaxassislar O‘zbekistonning eng janubiy viloyatlarida ham bozorga chiqarilishi mumkin bo‘lgan yashil o‘rik hali shakllanmagani bois, Toshkentda sotilayotgan dovuchcha xorijdan keltirilgan yoki yopiq joylarda yetishtirilgan deya taxmin qilmoqda.
Izoh (0)