O‘zbekiston dunyodagi eng arzon benzinga ega davlatlar ro‘yxatida 34-o‘rinni egalladi (bir litr 0,982 dollar turadi). Bu haqda “Daryo” muxbiri xabar bermoqda.
GlobalPetrolPrices ma’lumotlariga ko‘ra, fevral oyida qo‘shni Turkmaniston eng arzon benzinga ega mamlakatlar bo‘yicha 8-o‘rinda (0,428 dollar) qayd etilgan.
Dunyodagi eng arzon benzin Venesuelada (0,016 dollar), eng qimmati esa Gonkongda (2,942 dollar). Dunyo bo‘ylab benzinning o‘rtacha narxi litri uchun 1,30 dollarni tashkil qiladi.
Odatda boy mamlakatlarda narxlar yuqori bo‘lsa, qashshoq mamlakatlar va neft ishlab chiqaradigan hamda eksport qiluvchi mamlakatlarda narxlar sezilarli darajada past bo‘ladi.
E’tiborga molik istisnolardan biri — iqtisodiy jihatdan rivojlangan, ammo gaz narxi past bo‘lgan Qo‘shma Shtatlar.
Mamlakatlar o‘rtasidagi narxlardagi tafovutlar benzinga turli soliqlar va subsidiyalar bilan bog‘liq. Barcha mamlakatlar xalqaro bozorlarda bir xil neft narxidan foydalanish imkoniyatiga ega, ammo keyin turli soliqlarni joriy etishga qaror qiladi.
Izoh (0)