Тошкент шаҳрида чакана савдода биринчи довучча пайдо бўлди. “Korzinka” супермаркетлар тармоғининг фақат битта дўконида довуччанинг 100 грамми 99 990 сўмдан сотилмоқда. Бу 1 кг учун 999 900 сўм дегани.
2023 йилда пайдо бўлган илк довучча ўтган йилгига қараганда роппа-роса 10 баробар қимматроқ бўлди.
EastFruit маълумотларига кўра, Тошкентдаги супермаркетларда довучча қуйидаги сана ва нархларда пайдо бўлган:
2022 йил: 6 мартда 100 грамм учун 9 990 сўм (0,92 доллар) нархда, бу 1 кг учун 9,2 долларга тўғри келади.
2021 йил: 9—10 март кунлари 100 грамм учун ўртача 7 500 сўм (0,71 доллар) нархда, яъни 1 кг учун 7,1 доллар.
2020 йил: 11 мартда 100 грамм учун 9 599 сўм (1 доллар) нархда, яъни 1кг учун 10,1 доллар.
Маълумотлардан кўриниб турибдики, 2023 йилги нархлар аввалгиларига қараганда 10-13 баробар юқори.
Мутахассислар Ўзбекистоннинг энг жанубий вилоятларида ҳам бозорга чиқарилиши мумкин бўлган яшил ўрик ҳали шаклланмагани боис, Тошкентда сотилаётган довучча хориждан келтирилган ёки ёпиқ жойларда етиштирилган дея тахмин қилмоқда.
Изоҳ (0)