Jurnalist va shoir, “Inson va qonun” gazetasi hamda “Huquq va burch” jurnali birlashgan tahririyati xodimi Akmal Toshev vafot etdi. Bu haqda “Daryo”ga uning hamkasbi Asliddin Alimardonov xabar berdi.
“Kecha yangi sotib olgan uyining taʼmiri uchun ustalarga qurilish materiallari olib berib, qaytayotganda ko‘chada yuragi bezovta qilgan deyishdi. Tez yordam yetib kelgunga qadar joni uzilgan ekan”, — deydi bu haqda xabar bergan jurnalist Asliddin Alimardonov.
Akmal Toshev 1985-yil 6-aprelda Qashqadaryo viloyatining Dehqonobod tumanidagi Oqtosh qishlog‘ida tug‘ilgan. 1992—2003-yillarda qishloqdagi 41-umumtaʼlim maktabida tahsil olgan. So‘ngra Mirzo Ulug‘bek nomidagi O‘zbekiston Milliy universiteti jurnalistika fakultetining bakalavr, magistratura bosqichlarini tamomlagan.
Uning “Mohiyat lahzalari” (2008), “Farishtali kunlar” (2011) nomli sheʼriy to‘plamlari nashr etilgan. “Qashqadaryo bayozi” (2007), “Yoshlar kitobi” (2008), hamda “Oltin ko‘prik” (2010) almanaxlariga sheʼrlari kiritilgan.
Izoh (0)