Gollivud aktyori Mettyu Makkonaxi va uning rafiqasi bo‘lgan Lufthansa aviakompaniyasining Ostindan Frankfurtga uchayotgan samolyotini chaqmoq urdi, deb xabar bermoqda “Korrespondent.net” nashri.
Kamilaning so‘zlariga ko‘ra, hodisa natijasida samolyot keskin muvozanatni yo‘qotib, turbulentlik zonasiga tushib qolgan. Shu bilan birga, ko‘plab yo‘lovchilar xavfsizlik kamarini taqmaganligi sababli jarohatlangan.
“Parvoz paytida samolyotimiz deyarli 1 200 metr balandlikdan qulab tushdi, yetti kishi og‘ir jarohatlandi va kasalxonaga olib borildi. Narsalar hamma joyga uchib ketdi. Atrofimdagilarning shaxsiy hayotini hurmat qilgan holda buni ko‘rsataman, biroq samolyotda tartibsizlik bor edi. Siz yangiliklarda ko‘rgan Lyuftganza reysi haqida gapiryapman. Biz o‘sha yerda edik, shukr, hamma sog‘-omon”, — deydi aktyorning rafiqasi.
Model sahifasiga samolyotdan olingan videoni ham joyladi. Videoda samolyot bortida yo‘lovchilarning sochilib ketgan ovqatlari, ichimliklari va buyumlarini ko‘rish mumkin.
Samolyot Vashington aeroportiga favqulodda qo‘nganidan so‘ng, mashhur juftlik barga borgan.
“Aytishim kerakki, Vashington aeroportida bizni qayta yo‘naltirish uchun va tunashimiz kerak bo‘lgan joyda hamma sharoit bor edi. Metyu bilan barga yopilishidan bir daqiqa oldin yetib keldik. Yaxshi uxladik, yangi reysga chiqdik va yana sayohatimizni davom ettiramiz”, — deb sahifasida yozib qoldirgan model Kamila Alves.
Izoh (0)