Gollivud yulduzi Jonni Depp o‘zi chizgan mashhur kishilarning suratini 5 million 400 ming dollarga sotdi, deb xabar bermoqda “Pravila jizni” nashri.
.jpg)
Bu Deppning pop-art uslubida yaratilgan “Do‘stlar va qahramonlar” kartinalarining ikkinchi to‘plami hisoblanadi. Unda musiqachi Bob Marli, yozuvchi Xanter Tompson, aktyorlar Xit Ledjer va River Feniksning portretlari mavjud.
Londondagi Castle Fine Art Gallery galereyasi atigi besh kun ichida Depp suratini chizgan to‘rtta mashhur shaxsning yuzlab san’at asarlarini sotdi. Suratning har bir nusxasi 5 dollardan, to‘rtta portretdan iborat to‘plam esa 21 dollardan sotildi.
Daily Mail nashrining yozishicha, so‘nggi yetti oy ichida Depp o‘zi chizgan suratlardan 9 million 620 ming dollardan ortiq daromad olgan. “Karib dengizi qaroqchilari” filmi yulduzi jurnalistlarga uning san’atiga qiziqadigan insonlarning borligidan juda ta’sirlanganini aytgan.
Depp iyul oyida birinchi “Do‘stlar va qahramonlar” to‘plamini sotuvga qo‘ygan edi. Keyinchalik Gollivud yulduzining art-printlari va rok musiqalari 780 ta nusxada sotildi va aktyor bu orqali 3 million 600 ming dollar ishlab oldi.
Avvalroq rassom do‘stlari va uni ilhomlantirgan odamlarning 11 111 NFT portretidan iborat to‘plami uchun taxminan 800 000 dollar daromad olgan. U bu mablag‘larni xayriya ishlariga sarflagan.
Izoh (0)