“Turk Gandisi”. Muxolifatchilar prezidentlik saylovlarida Erdo‘g‘onga raqib bo‘ladigan nomzodini ko‘rsatdi

Turkiyaning olti muxolifatchi partiyasi alyansi (Xalq alyansi) may oyida bo‘lib o‘tadigan prezidentlik saylovlarida qatnashish uchun o‘zlaridan yagona nomzod sifatida Xalq-respublika partiyasi (RXP) rahbari 74 yoshli Kamol Qilichdaro‘g‘lini tanladi.

XRP — zamonaviy Turkiya asoschisi Mustafo Kamol Otaturk tomonidan yaratilgan. Tuzilma 1990-yillardan beri hokimiyatda emasligiga qaramay, mamlakatning eng dastlabki siyosiy partiyasi hisoblanadi. Kamol Qilichdarog‘luning o‘zi Hindiston fuqarolik huquqlari yetakchisi Mahatma Gandiga o‘xshagani uchun “Gandi Kamol” yoki “Turk Gandisi” nomi bilan tanilgan.

“Xalq alyansi” uzoq vaqt davomida muxolifatdan davlat rahbari lavozimiga yagona nomzod bo‘yicha kelisha olmagan. Besh partiya Kemal Qilichdarog‘luning nomzodini yoqlagan. “Yaxshi partiya” rahbari Meral Akshener esa uning nomzodiga qarshi chiqqan. U Istanbul hokimi Ekrem Imomo‘g‘li yoki Anqara hokimi Mansur Yavasni nomzod qilib ko‘rsatishni taklif qilgan, ular ham XRP a’zolaridan.

So‘nggi daqiqadagi kelishuvga ko‘ra, agar Qilichdarog‘lu saylovda g‘alaba qozonsa, boshqa besh muxolif partiyaning yetakchilari vitse-prezident bo‘ladi. Bundan tashqari, alyans Istanbul va Anqara merlarini tegishli sharoitlarda vitse-prezident lavozimlariga tayinlashga ruxsat beradi.

Muxolifat alyansi g‘alaba qozongan taqdirda mamlakatga parlament boshqaruv shaklini qaytarmoqchi, amaldagi prezident Rajab Toyyib Erdo‘g‘on uni prezidentlik boshqaruviga almashtirgandi. Ta’kidlanganidek, “Xalq alyansi” inflyatsiyaga qarshi kurash olib borish, mamlakat markaziy banki mustaqilligini tiklash va Turkiyaning Yevropa Ittifoqiga a’zo bo‘lish yo‘lini davom ettirish niyatida.

Avvalroq Erdo‘g‘on mamlakatda 14-may kuni prezidentlik va parlament saylovlari o‘tkazilishini tasdiqlagandi. Qonunga ko‘ra, Turkiyada prezidentlik va parlament saylovlari 18-iyundan oldin o‘tkazilishi kerak. Yanvar oyida Erdo‘g‘on ularni bir oy oldin, 14-may kuni o‘tkazilishini ma’lum qildi.

Turkiyada tarixdagi eng yirik zilzila oqibatlari tufayli saylovlarni 18-iyunga ko‘chirish taklif qilingan.