Futbol bo‘yicha O‘zbekiston Superligasining 1-turida “Turon” va “Buxoro” jamoalari 5-mart, yakshanba kuni o‘zaro to‘qnash keldi.
Uchrashuvning 30-daqiqasida Humoyunmirzo Iminov mehmonlarni hisobda oldinga olib chiqdi. Bunga maydon egalari ikkinchi bo‘limning dastlabki daqiqasida Anri Chichinadzening goli bilan javob qaytardi.
51-daqiqada “Buxoro” vakillari Fayzullo Jumanqo‘ziyevning qizil kartochkasidan keyin bir o‘yinchi kam bo‘lib qoldi. Biroq yaypanliklar sondagi ustunlikdan unumli foydalana olmadi. 81-daqiqada Temur Ismoilov buxoroliklarning ikkinchi golini urdi. Mazkur hisob o‘yin yakuniga qadar saqlanib qoldi.
“Turon” keyingi turda “Nasaf” maydoniga safar qilsa, “Buxoro” jamoasi “Qizilqum”ga qarshi o‘ynaydi.
1-turdan keyin musobaqa jadvali quyidagi ko‘rinishni oldi:
Superliga
1-tur bahsi
5-mart, yakshanba
“Turon” — “Surxon” 1:2
Gollar: 0:1 – 30 Iminov, 1:1 – 46 Chichinadze, 1:2 – 81 Ismoilov.
“Turon”: 35.Rahimjon Davronov, 2.Abdulazizxon Abdurashidov (49.Zakariya Beglarishvili, 70), 7.Azimjon Ahmedov, 11.Shohnazar Norbekov (88.Milan Boyovich, 46), 14.Xurshidbek Muxtorov (5.Marlen Chobanov, 81), 15.Nikola Kumburovich, 17.Quvondiq Ro‘ziyev (9.Azizbek Ibragimov, 81), 19.Sardor Abduraimov (10.Humoyun Murtozayev, 46), 22.Dushan Stoilkovich, 44.Anri Chichinadze, 77.Bilolxon Toshmirzayev.
“Buxoro”: 13.Nikola Stoshich, 5.Dilshod Jo‘rayev (70.Aleksandar Stanisavlevich, 68), 7.Jasur Azimov (88.Vsevolod Nixayev, 56), 10.Humoyunmirzo Iminov (9.Aleksandr Kasyan, 90+1), 14.Rustam Abduhamidov (11.Temur Ismoilov, 68), 15.Obid Jo‘raboyev, 17.Jamoliddin Ubaydullayev, 22.Ro‘zimboy Ahmedov, 25.Abbos Otaxonov, 27.Ixtiyor Toshpo‘latov, 77.Fayzullo Jumanqo‘ziyev.
Ogohlantirishlar: Jumanqo‘ziyev (17).
Chetlatish: Jumanqo‘ziyev (52).
Izoh (0)