Turkmanistonda 8-mart, Xalqaro xotin-qizlar kuni munosabati bilan ko‘p farzandli 285 nafar onaga “Ona mehri” faxriy unvonlari va yangi zamonaviy xonadonlar kaliti topshiriladi. Bu haqda “Daryo”ning Turkmanistondagi muxbiri xabar berdi.
Tegishli farmonni Turkmaniston prezidenti Serdar Berdimuhamedov 3-mart kuni Turkmaniston Vazirlar Mahkamasi majlisida imzolagan.
7-mart kuni Turkmaniston poytaxtida, 8-mart kuni esa viloyatlarda onalarga xonadonlar kalitlarini tantanali topshirish marosimlari bo‘lib o‘tadi. Faxriy unvonlarni topshirish 7-mart kuni Jamoat tashkilotlari markazida o‘tkaziladi. Shu kuni bayram tantanalarining barcha ishtirokchilari Davlat madaniyat markazi saroyida bo‘lib o‘tadigan bayram konsertiga taklif etiladi.
Turkmanistonda sakkiz va undan ortiq farzandli oilalar ko‘p bolali hisoblanadi
Bundan tashqari Turkmanistonda 8-mart munosabati bilan qiz va ayollarga Serdar Berdimuhamedov nomidan pul sovg‘alari topshirilayotgani xabar qilingandi. Mulkchilik shaklidan qat’i nazar korxona, muassasa va tashkilotlarda ishlovchi, pensiya va davlat nafaqalari oluvchi, aspirantura, doktorantura va klinik ordinaturada ishdan tashqari tahsil olayotgan ayollar va qizlarga 60 manat miqdorida (17 dollar) sovg‘alar berilmoqda.
Talabalar, o‘quvchi qizlar va maktabgacha ta’lim muassasalari tarbiyalanuvchilar ham sovg‘a oladi
Izoh (0)