Har qanday taomni yanada mazali qilish, ovqatni yangi saqlash yoki oshxonadagi ishni soddalashtirish mumkin bo‘lgan ko‘plab layfxaklar mavjud. Ularning yordami bilan pishirish ancha oson va yoqimli bo‘ladi.
Mikroto‘lqinli pechda mukammal tuxum pishirish mumkin
Buning uchun idishga qaynagan suv quying (taxminan 3/4 qismini to‘ldiring) va bir qoshiq sirka qo‘shing. Tuxumni idishga soling, plyonka bilan yoping va to‘liq quvvatda 30 soniya davomida mikroto‘lqinli pechga qo‘ying. Keyin tuxumni narigi tomoniga aylantiring va yana 15 soniya davomida pishiring. So‘ngra tuxumni darhol suvdan oling — shunda sarig‘i suyuq bo‘ladi.
Agar tuxum qattiq pishishini istasangiz, pishirish vaqtini 60 soniyagacha oshiring.
Makaronni suvda emas, sousda pishirgan yaxshi
Bu ancha qulay, chunki makaron va sousni alohida pishirishingiz shart emas: hammasi bitta idishda pishiriladi. Ba'zilarning aytishicha, sousda pishirilgan makaron yanada mazali bo‘ladi. Agar sous juda quyuq bo‘lsa, unga ozgina suv qo‘shing.
Erimagan go‘shtni kesish osonroq
Ba'zi taomlarni tayyorlash uchun go‘shtni ingichka bo‘laklarga bo‘lish kerak. Buning eng oson yo‘li — uni muzlatish. Gap shundaki, go‘shtda juda ko‘p yog‘ mavjud bo‘lib, u past haroratda qotib qoladi, lekin issiqda bo‘shashadi. Biroq go‘shtni muzlatib qo‘ymaslik kerak: kesishdan oldin uni muzlatgichda 30 daqiqa ushlab turish kifoya.
Xamirga gazlangan ichimlik qo‘shish mumkin
Vafli xamiridagi suyuqlikning bir qismini (taxminan yarmini) mineral suv yoki yumshoq ta'mli soda bilan almashtiring. Keyin vaflilar yanada yumshoq bo‘lib chiqadi. Ushbu maslahat quymoq va oladye tayyorlash uchun ham mos keladi.
Qovurishdan oldin pista yoki yong‘oqni suvda iviting
Suv qobiqni yumshatadi, yong‘oqlar esa yanada qarsildoq bo‘ladi. Ba'zilar qovurishdan oldin yong‘oqlarni choyga solib, ularga o‘zgacha ta’m beradi.
Go‘sht yumshoq bo‘lishi uchun marinadga soda qo‘shish kerak
Soda tarkibidagi tuz tufayli go‘sht ancha yumshoq bo‘ladi. Bundan tashqari, marinadlashdan 30 daqiqa oldin go‘shtni sodali suvga solib qo‘yish mumkin.
Pechenye qutisiga bir bo‘lak non solib qo‘ying
Pechenyelar nondan namlikni yutadi va yumshoq bo‘lib qoladi. Agar sizda pechenye uchun maxsus idish bo‘lmasa, oddiy plastik idish emas, balki muzlatish uchun sumkadan foydalanganingiz ma'qul, chunki u yanada zichroq bo‘ladi.
Ziravorlarni qovurish ham mumkin
Ziravorlarning xushbo‘yligi vaqt o‘tishi bilan yo‘qoladi. Biroq eski ziravorlarni hali ham "jonlantirish" mumkin. Siz ularni qizigan idishda qovurishingiz kerak va ular yana xushbo‘y bo‘ladi.
Kislota taomni yanada mazali qilishga yordam beradi
Agar taomda lazzat yoki ziravorlar yo‘qdek tuyulsa, unga kislota qo‘shishingiz mumkin — limon sharbati yoki sirka. Shunda ta'mi yanada yorqinroq bo‘ladi.
Tozalangan kartoshkani suvga solib qo‘yish kerak
Kartoshka archilgandan keyin kraxmal va shakar havo bilan reaksiyaga kirishishi sababli qorayishni boshlaydi. Shuning uchun kartoshkani darhol pishirmoqchi bo‘lmasangiz, ularni suvga solganingiz ma'qul. Oksidlanish jarayonini to‘xtatish uchun limon kislotasi yoki sirkani bir piyola suvga aralashtirib, kartoshkaga qo‘shish mumkin.
Izoh (0)