O‘zbekiston Professional futbol ligasi 25-fevral kuni “Bunyodkor” stadionining anjumanlar zalida 2022-yilda qilingan ishlar bo‘yicha moliyaviy hisobotni taqdim etdi. Bu haqda “Daryo” muxbiri xabar bermoqda.
Hisobotda liga rahbariyati 2022-yilda qator yo‘nalishlarda qancha xarajat qilingani va tashkilotning yillik daromadlarini ma’lum qildi.
Unga ko‘ra, 2022-yilda tashkilotga kelib tushgan mablag‘ 18 712 135 600 so‘mni tashkil qilgan. Shuning 9 467 135 600 so‘mi homiylar tomonidan jalb qilingan mablag‘ hisoblanadi. Badal pullari — 5 595 000 000, legioner futbolchilar uchun to‘lov — 3 030 000 000, tartib-intizom jarimalari esa 620 000 000 million so‘mni tashkil qilgan.
Kelib tushgan mablag‘larning 50,6 foizi PFLning o‘zi tomonidan topilgan pullar, 49,4 foizi esa badal pullari evaziga yig‘ilgan.
Bundan tashqari PFL o‘z tasarrufidagi turli musobaqalarni Eleven Sports portali orqali translyatsiya qilishdan ham 33 350 yevro ishlab topgan. Bu yarim yillik daromad hisoblanadi.
Diyor Imomxo‘jayevning so‘zlariga ko‘ra, tashkilot hali badal pullari, homiylar va legionerlar uchun to‘lovdan umumiy hisobda 1 065 000 000 so‘m olmagan (debitor qarzdorlik).
Shuningdek, tashkilot qaysi yo‘nalish bo‘yicha qancha mablag‘ sarflanganini ham e’lon qildi.
- Homiylar talabi bilan ishlash — 883 428 200 so‘m;
- O‘zbekiston futbol hakamlar markazi — 5 135 425 000 so‘m;
- Hakamlar (mart-iyun) — 3 294 427 829 so‘m;
- O‘FA (bolalar futboli va VAR litsenziya) — 1 122 168 000 so‘m;
- Futzal — 414 879 600 so‘m;
- Translyatsiyalar uchun — 550 000 000 so‘m;
- To‘plar (2023) — 1 026 500 000 so‘m;
- Sug‘urtalash — 550 000 000 so‘m;
- Auditor tekshiruvi — 23 000 000 so‘m;
- Asosiy vositalari — 298 145 000 so‘m;
- Ijara — 220 000 000 so‘m;
- Musobaqalar o‘tkazish xarajatlari — 2 276 546 600 so‘m;
- Liga xarajatlari va soliqlari — 5 359 156 000 so‘m;
- 2022,2023-yilgi sovrinlar, taqdirlash — 944 200 000 so‘m.
Izoh (0)