ПФЛ 2022 йилдаги даромад ва харажатлари бўйича молиявий ҳисобот берди
Ўзбекистон Профессионал футбол лигаси 25 февраль куни “Бунёдкор” стадионининг анжуманлар залида 2022 йилда қилинган ишлар бўйича молиявий ҳисоботни тақдим этди. Бу ҳақда “Дарё” мухбири хабар бермоқда.
Ҳисоботда лига раҳбарияти 2022 йилда қатор йўналишларда қанча харажат қилингани ва ташкилотнинг йиллик даромадларини маълум қилди.
Унга кўра, 2022 йилда ташкилотга келиб тушган маблағ 18 712 135 600 сўмни ташкил қилган. Шунинг 9 467 135 600 сўми ҳомийлар томонидан жалб қилинган маблағ ҳисобланади. Бадал пуллари — 5 595 000 000, легионер футболчилар учун тўлов — 3 030 000 000, тартиб-интизом жарималари эса 620 000 000 миллион сўмни ташкил қилган.
Келиб тушган маблағларнинг 50,6 фоизи ПФЛнинг ўзи томонидан топилган пуллар, 49,4 фоизи эса бадал пуллари эвазига йиғилган.
Бундан ташқари ПФЛ ўз тасарруфидаги турли мусобақаларни Eleven Sports портали орқали трансляция қилишдан ҳам 33 350 евро ишлаб топган. Бу ярим йиллик даромад ҳисобланади.
Диёр Имомхўжаевнинг сўзларига кўра, ташкилот ҳали бадал пуллари, ҳомийлар ва легионерлар учун тўловдан умумий ҳисобда 1 065 000 000 сўм олмаган (дебитор қарздорлик).
Шунингдек, ташкилот қайси йўналиш бўйича қанча маблағ сарфланганини ҳам эълон қилди.
- Ҳомийлар талаби билан ишлаш — 883 428 200 сўм;
- Ўзбекистон футбол ҳакамлар маркази — 5 135 425 000 сўм;
- Ҳакамлар (март июнь) — 3 294 427 829 сўм;
- ЎФА (болалар футболи ва VAR лицензия) — 1 122 168 000 сўм;
- Футзал — 414 879 600 сўм;
- Трансляциялар учун — 550 000 000 сўм;
- Тўплар (2023) — 1 026 500 000 сўм;
- Суғурталаш — 550 000 000 сўм;
- Аудитор текшируви — 23 000 000 сўм;
- Асосий воситалари — 298 145 000 сўм;
- Ижара — 220 000 000 сўм;
- Мусобақалар ўтказиш харажатлари — 2 276 546 600 сўм;
- Лига харажатлари ва солиқлари — 5 359 156 000 сўм;
- 2022,2023 йилги совринлар, тақдирлаш — 944 200 000 сўм.
