Rossiyalik harbiy ekspert Aleksandr Mixaylov nega Rossiya Bayden tashrifi davomida Kiyevga zarba bermaganini tushuntirdi. U “Govorit Moskva”ga bergan intervyusida bu haqda gapirdi.
Rossiya harbiy-siyosiy tahlil byurosi rahbari Mixaylov bunday harakatlar davlatlar o‘rtasidagi munosabatlarning jiddiy yomonlashishiga olib kelishini tushuntirdi. Uning ta’kidlashicha, hech bir tomon Strategik hujum qurollari bo‘yicha shartnomadagi qarorga rioya qilishdan butunlay voz kechishga tayyor emas.
“AQSH ham, Rossiya ham to‘liq harbiy qarama-qarshilik darajasiga kirishga tayyor emas. Bizda siyosiy ritorikada juda og‘ir vaziyat mavjud, ammo prezidentlarga, ayniqsa yadroviy kuchlarga zarba berish, uzoqni ko‘zlamaslikni bildiradi. Biz hissiyotga berilmasligimiz kerak, lekin hozir START pozitsiyalariga mos keladigan boshqa o‘xshashlikni qanday saqlab qolish haqida o‘ylashimiz zarur.
Menimcha, Rossiya va AQSH bu shartnomadan chiqishga tayyor emas. Hozircha ikkala tomon ham siyosiy kun tartibini inobatga olgan holda, bu faoliyatni muzlatib qo‘ymoqda, ammo hech kim kelishuvni buzmaydi, chunki bu kelishuvdan tashqari, bizda strategik kelishuvlar uchun deyarli platformalar qolmagan”, — deydi ekspert.
Rossiya prezidenti Vladimir Putin 21-fevral kuni Federal Majlisga murojaatida RF Strategik hujum qurollari bo‘yicha shartnomada ishtirok etishni to‘xtatayotganini ma’lum qildi. Ushbu shartnoma Rossiya va AQSH o‘rtasida tuzilgan bo‘lib, yadro qurollari arsenallarini qisqartirish va ularning rivojlanishini cheklashga qaratilgan. Ukraina prezidenti Vladimir Zelenskiy Rossiyaning mazkur qaroriga munosabat bildirdi.
Izoh (0)