Germaniyada kam uchraydigan mutatsiya tufayli olti oyoqli qo‘zichoq dunyoga keldi. Bu haqda Express xabar berdi.
Germaniyalik fermer Brand Tinter qo‘zichoqni davolashini ma’lum qildi. U jonivor sog‘lom va tirik tug‘ilgani, biroq qo‘shimcha ikkita oyog‘i bo‘lgani uchun o‘rnidan turib ovqatlanishi qiyin bo‘layotganini aytdi. Fermer qo'zichoq "haqiqatan ham yashashni xohlayotganini" bildirib, uni davolamoqchiligini ta’kidladi.
Qo‘zichoqni o‘rnidan turishiga yordam berish uchun Tinter uning bir oyog‘ini bandaj bilan bog‘lagan. Uning fikricha, bir necha haftadan so‘ng jonivor poda bilan yaylovga chiqishi mumkin.
“U boshidanoq yashashni juda xohladi, shuning uchun uning o‘sishiga imkoniyat beramiz”, — deydi Brand Tinter.
Whitehouse fermasi egasi Xizer Xogarti so‘nggi 25 yil ichida bu hodisaning ikkinchi marta guvohi bo‘lganini aytdi. Xuddi shunday hodisa 2022-yilning mart oyida kuzatilgandi, jumladan, Angliyadagi fermada besh oyoqli qo‘zichoq dunyoga kelgandi.
"Bizda nogiron tug‘ilgan hayvonlar ko‘p, lekin ularning ko‘pi evtanaziya qilinadi”, — dedi ayol.
U qo‘zichoqning sog‘lig‘i diqqat bilan nazorat qilinishi va veterinariya aralashuviga murojaat qilinmasligini qayd etdi.
“U normal hayot kechirar ekan, uni hayotini saqlab qolamiz deb o‘ylaymiz”, — dedi Xogarti.
Izoh (0)