Kosmetologlar o‘ttiz yoshda yigirma yoshdagidan ko‘ra yaxshiroq ko‘rinishga ega bo‘lish mumkinligi haqida gapiradi. Bu haqiqat. Bu vaqtda kelib, teridagi injiqliklar haqida ma’lumotga ega bo‘lamiz va uni qanday parvarish qilish kerakligini tushunib yetamiz. “Noviy ochag” nashri 30 yoshdan keyin terini qanday parvarish qilish kerakligi haqida ma’lumot berdi.
.jpg)
Kosmetologga murojaat qiling
Har doim bitta kosmetologga murojaat qiling, u teringizdagi muammolarni biladi. Shu bilan birga, u teringizning ob-havoning o‘zgarishiga reaksiyasini, turli xil muolajalarni sinab ko‘radi va qanchalik tez-tez tozalash, yana qanday muolajalar kerakligini biladi. Yosh va sog‘lom teri tashqi ko‘rinishda muhim ahamiyatga ega. Kosmetolog bu borada sizga yordam beradi. Agar hali ham tajribali kosmetolog topmagan bo‘lsangiz, qidirishda davom eting.
Uyda yuz teringizni parvarish qiling
Uyda yuz teringizni yaxshi parvarish qilib 70 foiz samarali natijaga erishish mumkin. Kosmetologiyadan foydalanish terini o‘zgartirishi mumkin, biroq natijani saqlab qolish o‘zimizga bog‘liq. Kosmetolog bilan maslahatlashib, qanday kosmetika sizga terining elastikligi va yorqinligini saqlashga yordam berishini aniqlab oling. Uyda yuz terisini parvarish qilishni davom ettiring: muolaja olti oy davom etadi va bu salonga bir marta tashrif buyurish bilan barobar turadi.
Botoks xavfli emas
Botulotoksin terida burmalar paydo bo‘lmasligi uchun eng tarang mushaklarni vaqtincha to‘sib qo‘yadi. Bu vaqtda yuz ifodalari to‘liq saqlanib qoladi va faol ishlaydi. Terini qog‘oz deb tasavvur qiling. Agar siz uni bir marta egib, tekislab qo‘ysangiz, qatlangan joyning izlari deyarli qolmaydi. Teri bilan ham xuddi shunday.
Kundalik SPF namlantiruvchi kremdan foydalaning
Har kuni, dam olish va bayramlarsiz, hatto tashqarida ob-havo bulutli bo‘lsa ham, pigmentatsiya bilan bog‘liq muammolar bo‘lmasa ham SPF kremlaridan foydalaning. Ushbu krem eng kam baholangan, biroq kerakli go‘zallik vositalaridan biri hisoblanadi: agar siz uni doimiy ravishda ishlatsangiz, terining yoshligini uzaytirasiz va erta ajinlar paydo bo‘lishining oldini olasiz.
Vitamin iching
Boshlanishiga tahlil qilib ko‘ring, vitaminlarni nazoratsiz qabul qila olmasligingiz mumkin va ortiqcha narsa yetishmovchilikdan yaxshiroq emas. Ammo yaxshi natijaga erishganingizda, uyqusizlik va charchoq qayerdan paydo bo‘lganini, nima uchun sochlar to‘kilib, terining yallig‘lanishini tushunasiz. Vitaminlarning bitta kursi sizni ushbu muammolardan qutqarishi mumkin.
Izoh (0)