YCHL. “Bavariya” safarda “PSJ”ni mag‘lub etdi, “Milan” esa “Tottenhem”dan ustun keldi

Futbol bo‘yicha Chempionlar Ligasining nimchorak finalidan o‘rin olgan ikki o‘yin 14-fevral, seshanba kuni bo‘lib o‘tdi.

“PSJ” o‘z maydonida “Bavariya”ni qabul qildi. Birinchi bo‘limda jamoalar ehtiyotkorona o’yin namoyish qildi va darvozalar ishg‘ol etilmadi. 53-daqiqada Alfonso Devisning uzatmasidan keyin Kingsli Koman to‘pni Donnarumma darvozasiga joylab qo‘ydi.

83-daqiqada Kilian Mbappe hisobni tenglashtirgan edi. Biroq hakam o‘yindan tashqari holat tufayli ushbu golni bekor qildi. O‘yin so‘ngida Benjamin Pavar Messiga nisbatan ishlatgan qo‘polligi uchun maydondan chetlatildi. 

Shu tariqa “Bavariya” 1:0 hisobida kichik g‘alabaga erishdi.

Ikkinchi o‘yinda “Milan” va “Tottenhem” o‘zaro bahs olib bordi. Uchrashuvda milanliklar 7-daqiqada Braim Dias tomonidan urilgan gol evaziga g‘alabani ilib ketdi. 

Jamoalar o‘rtasida javob o‘yinlari 8-mart kuni bo‘lib o‘tadi. 

YCHL

Nimchorak final bahslari

14-fevral, seshanba

“PSJ” – “Bavariya” 0:1

Gol: 0:1 – 53 Koman.

“PSJ”: Donnarumma, Hakimi (Kimpembe, 46), Ramos, Markinyos, Mendesh, Zair-Emeri (Fabian Ruis, 57), Soler (Mbappe, 57), Danilu Pereyra (Vitinya, 75), Verratti, Messi, Neymar.

“Bavariya”: Zommer, Joau Kanselu (Devis, 46), Upamekano, Pavar, de Ligt, Goretska, Kimmix, Shupo-Moting (Myuller, 76), Sane (Stanishich, 90), Musiala (Gravenberx, 87), Koman (Gnabri, 76).

Ogohlantirishlar: Pavar (26), Kimpembe (70), Neymar (86).

Chetlatish: Pavar (90).

“Milan” – “Tottenhem” 1:0

Gol: 1:0 – 7 Braim Dias.

“Milan”: Teterushanu, Kyer, Tiav, Kalulu, Ernandes, Salemakers (Messias, 77), Krunich, Braim Dias (de Ketelare, 77), Tonali (Pobega, 86), Jiru, Rafael Leau (Rebich, 90+1).

“Tottenhem”: Forster, Emerson, Dayer, Langle (Devis, 81), Romero, Perishich, Kulusevski (Risharlison, 70), Skipp, Sarr, Son Hyon Min (Danjuma, 81), Keyn.

Ogohlantirishlar: Romero (48), Dayer (63), Tonali (80), Teo (90+2).