O‘zbekiston Favqulodda vaziyatlar vazirligi qutqaruvchilari Turkiyada ro‘y bergan talafotli zilzila oqibatida vayronalar ostida qolgan 135 nafar halok bo‘lganlarni olib chiqdi. Bu haqda Favqulodda vaziyatlar vazirligi axborot xizmati xabar berdi.
Xabarga ko‘ra, qutqaruvchilar 13-fevral vayronalar ostidan yana 28 nafar halok bo‘lganlarni olib chiqqan. Shu bilan o‘zbekistonlik qutqaruvchilar tomonidan olib chiqilgan halok bo‘lganlar soni 135 nafarga yetdi. Hududda prezident topshirig‘iga asosan 100 nafar qutqaruvchi qidiruv ishlarini olib bormoqda. Hozirda qidiruv-qutqaruv ishlari davom etmoqda.
Qidiruv-qutqaruv ishlari boshlangandan buyon, ya’ni 7-fevral kunidan o‘zbekistonlik otryadlar tomonidan 16 nafar jabrlanganlar qutqarilib, 135 nafar halok bo‘lganlar olib chiqildi. O‘zbekiston qutqaruvchilari xizmat itlari yordamida ikki kishini qutqarib qolgan edi. Ularni vayronalar orasidan chiqarib olish Meksika va Turkiya qutqaruvchilari bilan hamkorlikda amalga oshirilgan. Hozirda hududda O‘zbekistondan yuborilgan 100 qutqaruvchi va 70 dan oshiq Mudofaa vazirligi tomonidan yuborilgan shifokor xizmat qilmoqda.
Izoh (0)