Toshkentdagi “Ippodrom”da ikki bosh ot ochlikdan nobud bo‘lgani, qolgan otlar holsizlanib qolgani haqida xabar berilgan edi. Milliy gvardiya Toshkent shahar boshqarmasi bunga sababchi bo‘lganlar javobgarlikka tortilganini ma’lum qildi.
Qayd etilishicha, Chilonzor tumani huquqbuzarliklar profilaktikasi bo‘limi va Milliy gvardiya tomonidan hayvonlarni xavfli vaziyatda qoldirilishi oqibatida ikki bosh otning nobud bo’lishi hamda qolgan otlarning holsizlanishiga sabab bo‘lganligi yuzasidan barcha fakt va omillar hisobga olinib, tekshiruv o‘tkazildi.
Yakuniy tekshiruv natijalariga ko‘ra, otlarning holsizlanishi va nobud bo’lishida aybdor bo‘lgan shaxslar — 1958-yilda tug‘ilgan S.A. va 1958-yilda tug‘ilgan U.A.ga nisbatan Ma’muriy javobgarlik to‘g‘risidagi kodeksning 111-moddasi, 1-qismida (hayvonlarga nisbatan shavqatsiz munosabatda bo‘lish) nazarda tutilgan huquqbuzarlik bo'yicha bayonnomalar rasmiylashtirilib, ularning har biriga 900 ming so‘mdan jarima solindi.
Bundan tashqari, Otchopar rahbariyatini almashtirish masalasi ham ko‘rib chiqilmoqda.
Izoh (0)