Ukrainadagi urush NATOga a’zo davlatlar ishtirokidagi mintaqaviy qarama-qarshilikka aylansa, Rossiya taktik yadro qurolidan foydalanishi mumkin. Bu haqda Norvegiya razvedkasi ma’lumot berdi.
Razvedkaning ta’kidlashicha, Rossiya tomoni mamlakatning mavjudligi “tahdid ostida” bo‘lgani sababli bunday qurollardan foydalanishga qodir. Razvedka Rossiyaning yadroviy doktrinasi qisman Moskva qachon va qanday qilib ommaviy qirg‘in qurolini qo‘llashi mumkinligi uchun asosligini bildirdi. Doktrinada agar ommaviy qirg‘in quroli Rossiya yoki uning ittifoqchilariga qarshi qo‘llanilsa yoki Rossiya davlatining mavjudligiga tahdid solsa, Rossiya hukumati yadro qurolidan foydalanishi mumkinligi keltirib o‘tiladi.
“Kreml ongli ravishda Rossiyaning yadro qurolidan foydalanishga tayyorligi haqida noaniqlik yaratadi. Agar mojaro NATO ishtirokidagi mintaqaviy urushga aylansa, Rossiya urush mamlakat mavjudligiga tahdid soladi, degan bahona bilan yadro qurolidan foydalanishi mumkin”, — deydi Norvegiya razvedkasi.
Rossiya yadro qurolidan foydalanishi mumkin bo‘lgan to‘rtta holat:
Rossiya Xavfsizlik kengashi kotibi o‘rinbosari Dmitriy Medvedev mamlakat quyidagi to‘rtta holatda yadro quroldan foydalanishi mumkinligini aytgandi:
- Rossiyaga qarshi raketa hujumi amalga oshirilsa;
- mamlakat yoki uning ittifoqchilariga qarshi har qanday yadroviy quroldan foydalanilsa;
- muhim infratuzilmaga hujum qilinsa, buning oqibatida Rossiyaning yadroviy quroli nosozlikka uchrasa;
- tahdid ostida bo‘lgan Rossiya yoki uning ittifoqchilariga qarshi tajovuzkorlik harakati bo‘lganda.
Izoh (0)