Аргентинада Лионель Месси тасвири туширилган банкноталар пайдо бўлиши мумкин.
Бу таклиф Аргентинадаги энг йирик миллий банк президенти Силвина Батакис томонидан берилган.
Ўтган ҳафтада Аргентина республикаси марказий банки мамлакатда 2000 песолик банкноталар муомалага киритилишини тасдиқлади ва ҳозирда 10 000 лик банкноталарни ишлаб чиқиш масаласи кўриб чиқилмоқда. Батакис инфляция шароитида янги банкноталар ишлаб чиқаришни зарурат деб атади.
“Мен аргентиналикларнинг қалбидан жой олган нарсага эътибор қаратган бўлардим. Бу рамзий банкнота бўлади, масалан, Жаҳон Чемпионати билан бўлиқ. Мамнунлик билан Лионель Месси тасвири туширилган пулларни муомалага чиқарган бўлардим.
Президент бугунги суҳбатида мавзуни очиқ қолдирди ва ҳозирда янги пул масаласи таҳлил қилинмоқда. Ёш таҳлилчилар ўнталик — бу Месси дейишмоқда, бироқ бунданда кучли муҳокамалар мавжуд. Яъни Месси ва Марадона ўртасидаги танлов”, — дейди Силвина.
Эслатиб ўтамиз, Лионель Месси етакчилигидаги Аргентина терма жамоаси ЖЧ—2022 финалида Францияни мағлуб этиб, чемпионга айланганди. Жанубий Америка вакиллари сўнгги бор 1986 йил Мексикада бўлиб ўтган мундиалда жаҳон чемпионлигини қўлга киритганди. Ўшанда терма жамоа етакчиси Диего Марадона бўлган.
Изоҳ (0)