Turkiyadagi zilzila: Qirg‘izistonda deputatlar maoshini zilzila qurbonlariga yordam uchun o‘tkazmoqchi

Qirg‘izistonda Jogorku Kenesh deputatlari Turkiyadagi zilzila qurbonlariga yordam berish uchun ikki kunlik maoshlarini o‘tkazmoqchi. Bu haqda 24.kg xabar berdi.

Mazkur taklif xalq deputati Akilbek Tumonbayev tomonidan ilgari surilgan. U Turkiya hukumati Qirg‘izistonga har doim har sohada yordam berib kelganini qayd etgan.

“Ular bizni siyosiy jihatdan qoʻllab-quvvatlab, shifoxonalar qurmoqda, fuqarolarimiz Turkiya universitetlarida tahsil olmoqda. Zilzila qurbonlariga yordam berish uchun ikki kunlik maoshimizni Turkiyaning Qirg‘izistondagi elchixonasidagi hisob raqamiga o‘tkazishni taklif qilaman”, — dedi Akilbek Tumonbayev.

Mazkur tashabbus boshqa deputatlar tomonidan ham qo‘llab-quvvatlangan.

Oxirgi ma’lumotlarga ko‘ra, Turkiyada 6-fevral kuni sodir bo‘lgan zilzila qurbonlari soni 12 873 kishiga yetdi, yana 63 000 ga yaqin odam jarohatlangan.