Rossiya mamlakat bo‘ylab bomba boshpanalarini tekshirish va ta’mirlash ishlarini olib bormoqda — OAV
Kreml Rossiya bo‘ylab bomba boshpanalarni tekshirish va ta’mirlashni buyurdi. Bu haqda UNIAN xabar berdi.
Ma’lum qilinishicha, mahalliy hokimiyat idoralari o‘nlab yillar davomida bunkerlar va mustahkam yerto‘lalarni yaroqli holga keltirish uchun yuzlab million rubl sarflay boshladi. Kreml sobiq amaldorlari The Moscow Times nashriga bu bo‘yicha ma’lumot bergan. Krasnodar o‘lkasi hokimiyati bomba boshpanalarini ta’mirlash uchun 6 million rubldan ko‘proq, Nijniy Novgorod 50 million rubl, Ryazan esa 1 million rubl sarflashi aytilmoqda.
O‘z navbatida, Qozon hukumati shahardagi bomba boshpanalarining taxminan 30 foizi odamlarni joylashtirish uchun yaroqsizligidan shikoyat qilgan. Endi ular shahar metrosidan boshpana sifatida foydalanish imkoniyatini sinovdan o‘tkazmoqda.
“Sovet Ittifoqi parchalanganidan keyin ular hech kimga kerak emas edi. Ammo hozir frontdagi vaziyat tufayli Kreml hamma narsani tartibga solishni buyurdi”, — dedi Rossiya g‘arbiy viloyatlaridan biridagi rasmiy.
Rossiya davlat xaridlari portalida mamlakat bo‘ylab mintaqalarda bomba boshpanalarini modernizatsiya qilish uchun yuzlab tenderlar paydo bo‘lgan. Shartnomalar ventilyatsiyani ta’mirlash, gidroizolyatsiya, eshiklarni almashtirish, havo filtri va yoritish moslamalarini o‘z ichiga oladi. Sobiq amaldorlardan birining so‘zlariga ko‘ra, davlatning bomba boshpanalariga e’tibor qaratish Putinning Rossiya yadro kuchlarini “yuqori shay holatga keltirish” haqidagi buyrug‘idan so‘ng yadro urushidan qo‘rqish kuchayishi bilan bog‘liq.
Mavzuga doir:
- Putin qarorgohi atrofida havo hujumidan mudofaa tizimi o‘rnatildi (video)
- Rossiya Mudofaa vazirligi binosi tomiga havo hujumiga qarshi mudofaa tizimi o‘rnatildi (foto va video)
