Namangan viloyatining Kosonsoy tumanidagi uyda 7-fevral kuni gaz portlagandi. Bosh prokuratura matbuot xizmati hodisa oqibatida bir kishi vafot etganini ma’lum qildi.
FVV tomonidan e’lon qilingan birlamchi ma’lumotda portlash oqibatida to‘rt kishi tan jarohati olgani qayd etilgandi. Bosh prokuratura axborotiga ko‘ra, hodisa oqibatida besh nafar shaxs turli tan jarohati olgan. Koʻrsatilgan tez-tibbiy muolajalarga qaramasdan, bir nafari shifoxonada vafot etgan.
Mazkur holat yuzasidan Kosonsoy tuman prokuraturasi tomonidan Jinoyat kodeksining 258-moddasi 2-qismi “a” bandi (togʻ-kon, qurilish yoki portlatish ishlari xavfsizligi qoidalarini buzish) bilan jinoyat ishi qoʻzgʻatildi.
Tergov harakatlari olib borilmoqda.
Izoh (0)