Qirg‘iziston piyozni YOIIdan tashqariga olib chiqishni taqiqlamoqchi

Qirg‘iziston o‘z piyozini Yevrosiyo iqtisodiy ittifoqi hududi chegaralaridan tashqariga olib chiqishni taqiqlamoqchi, deb xabar berdi “Apendi biznesmen”.

Qayd etilishicha, buning ortidan oziq-ovqat xavfsizligini ta’minlash, bozorda piyoz narxini barqarorlashtirish ko‘zda tutilgan. Mamlakat antimonopoliya tashkoloti ham piyoz naxrlari juda yuqori ekanini ta’kidlagan.

Xuddi shunday taqiq avvalroq Qozog‘iston tomonidan Pokistondagi tabiiy ofatlar munosabati bilan kiritilgan edi.

O‘shanda Qozog‘iston OAVlari taqiqning sababini O‘zbekiston va Pokistonda hosil yetishmasligi, shu bois Qozog‘iston Respublikasidan piyozga qiziqish kuchaygani bilan izohlagan edi.

Mavzuga doir: 

• Faqat O‘zbekistonda emas. Jahon bozorida piyoz narxi nega keskin oshmoqda?
• O‘zbekistonda piyoz eksporti vaqtincha cheklandi