Аксарият одамлар джинсиларини кир ювиш машинасига бошқа кийимлар билан бирга солади, кейин эса ўлчами қисқаргани ва ранги ўчиб кетганидан шикоят қилади. “Новий очаг” нашри джинси кийимларни тўғри ювиш бўйича бир нечта тавсиялар билан бўлишди.
Джинсиларни ички томонига ўзгартирмай ювиш
Қандай ювиш режими ўрнатилгандан қатъи назар, ҳар қандай ҳолатда, джинси шимлар тескари қилиниши ва барча замоклар ёпилиши керак. Кир ювиш машинасида кийимлар бир-бирига ишқаланади, бу рангнинг ўчишига олиб келади.
Жуда кўп кийимлар билан ювиш
Кир ювиш машинасининг барабанидаги кийим қанча кўп бўлса, мато шунчалик тез эскиради. Замоклар бошқа кийимларга илиниб қолиши, чоклар ажралиб чиқиши мумкин. Кийимлар барабан ичида эркин айланиши ва ювишдан кейин қаттиқ ғижим бўлмаслиги керак.
Кир ювиш режимини нотўғри танлаш
Джинсиларни ювишда иложи борича енгил режимни танлаш муҳимдир. Энг хавфсизи, аслида, қўлда ювишдир, аммо ўта кир бўлмаса, уни ҳар қандай енгил режимда ва совуқ сувда ювиш мумкин.
Рангни сақлаб қолувчи воситалардан фойдаланиш
Кийимларнинг ёрқин ва қуюқ рангларини сақлаб қолиш учун махсус ювиш воситалари мавжуд. Улар таркибида хлорни фаолсизлантирувчи моддалар мавжуд бўлади.
Жуда кучли қуритиш
Агар машина қуриткичидан фойдалансангиз, джинсиларни узоқ вақт қолдирмаслик керак. Уларни бироз нам, силлиқ ва одатдаги табиий тарзда қуритиш тавсия этилади. Шундагина мато толалари яхшироқ сақланади.
Мавзуга доир:
Изоҳ (0)