Оқ кийимлар янгилигда чиройли кўринади, лекин вақт ўтиши билан улар сарғаяди. “Лиса.ру” нашри уларнинг асл рангини қандай сақлаш кераклигини маълум қилди.
Тез-тез ювинг
Оқ кийимлар тезда кир бўлади, шунинг учун тез-тез ювиш керак. Аммо кимёвий воситалар билан ювманг. Агар жуда кўп кукун ишлатилса, унда гранулалар толалардан яхши ювилмайди ва тўпланиб, чанг ва кир зарраларини ўзига тортади. Камроқ кукун қўшиб, яхшилаб чайиш тавсия этилади.
Табиий оқартиргичлардан фойдаланинг
Хлорли оқартиргичлар самарали, лекин кўпинча нозик матоларга нисбатан зарарли бўлиб, севимли кийимларнинг умрини узайтирмайди. Бу кийимларнинг кўринишини ёмонлаштириши мумкин. Аммо лимон шарбати аввалги покликни қайтаради ва матонинг тузилишига зарар етказмайди. Доғлар кучли бўлмаса, халқона усуллардан фойдаланиш мумкин.
Кир ювиш саватида узоқ вақт сақламанг
Очиқ рангли кийимларни дарҳол кир ювиш машинасига солиш яхшироқдир. Пластик кир ювиш идишлари ҳаво ўтказмайди, мато у ерда ҳавосиз сарғайишни бошлайди. Агар дарҳол кирларни ювишнинг имкони бўлмаса, тешик идишларда сақлаш тавсия этилади.
Оқ ва бошқа очиқ рангли нарсаларни алоҳида ювинг
Бошқа пушти, кўк, оч яшил кийимлар оқ матоларни бўяб қўйиши мумкин, шунинг учун уларни бир вақтнинг ўзида ювмаслик лозим. Янги кийим сотиб олишдан кўра, машинани бир неча марта ишлатиш яхшироқ. Иссиқ ҳароратни ишлатишдан қўрқманг, бу оқ рангга зарар етказмайди.
Синка ёрдамида оқартиринг
Нарсаларни оқартиришнинг тасдиқланган усулидан фойдаланинг — бу синка. Мовий бўёқ сарғишликни йўқ қилади ва визуал равишда мато оқ кўринади. Бир литр сув учун ¼ чой қошиқдан фойдаланиш мумкин.
Қуёшда қуритинг
Кийимларни очиқ ҳавода қуритиш яхшироқ. Қуёш нурлари кийим учун табиий оқартирувчи воситадир. Машинада қуритиш учун энергия сарфламанг, бунинг ўрнига бепул табиий ресурсдан фойдаланинг.
Кир кийимлар бирга сақламанг
Сақлашдан олдин кийимларни текширинг. Бир қарашда кўринмайдиган доғлар бўлиши мумкин. Бу, айниқса, косметика ва табиий тери секрецияси доғлари учун тўғри келади. Ушбу доғларни имкон қадар вақтида ювиш тавсия этилади.
Мавзуга доир:
Изоҳ (0)