O‘zbekiston Madaniyat va turizm vazirligida Bolgariya turizm vaziri Ilin Dimitrov bilan uchrashuv bo‘lib o‘tdi, deb xabar bermoqda “Dunyo” axborot agentligi.
Qayd etilishicha, tomonlar O‘zbekiston hamda Bolgariya o‘rtasida turizm sohasidagi hamkorlikni rivojlantirish, o‘zaro sayyohlar oqimini oshirish, sohada faoliyat olib borayotgan tadbirkorlik subyektlari o‘rtasida aloqalar o‘rnatishga ko‘maklashish va ikki davlat o‘rtasida to‘g‘ridan to‘g‘ri aviaqatnovlarni yo‘lga qo‘yish masalalarini muhokama qilgan.
Bolgariya tomoniga O‘zbekiston turizmida amalga oshirilayotgan islohotlar, turistik investitsiya loyihalari, shuningdek, tadbirkorlik subyektlari uchun yaratilgan sharoitlar hamda investorlar uchun taqdim etilayotgan imtiyozlar to‘g‘risidagi ma’lumotlar taqdim etilgan.
Uchrashuv yakunlari bo‘yicha O‘zbekiston hamda Bolgariyada turizm sohasida faoliyat olib borayotgan tadbirkorlik subyektlarini jalb etgan holda Toshkent shahrida joriy yil aprel oyida B&G, B2B formatida uchrashuvlar tashkil etish, mamlakat turizm salohiyatini targ‘ib qilishga qaratilgan ma’lumotlarni Bolgariya ommaviy axborot vositalarida yoritilishini yo‘lga qo‘yish bo‘yicha dastlabki kelishuvlarga erishilgan.
Izoh (0)