Hind kinosi yana trendda, “RRR: Inqilob yaqinlashmoqda” blokbasteridagi chiroli va quvnoq raqs film premyerasi oldidan tomoshabinlarning qalbini zabt etdi va tarixda ilk bor “Eng yaxshi qo‘shiq” nominatsiyasida “Oltin globus”ni qo‘lga kiritdi.
Naatu Naatu raqsining mashhurlikka erishish siri nimada?
Ikki hindistonlik aka-uka ingliz mustamlakachilarining bazmida raqsga tushgani aks etgan video 2021-yilda, rejissor Rajamouli tomonidan suratga olingan va “RRR: Inqilob yaqinlashmoqda” filmining premyerasidan oldin namoyish etilgan. Raqs tom ma’noda butun dunyoda katta mashhurlikka erishdi: bolalar ham, kattalar ham ijtimoiy tarmoqlarda chellenjlar uyushtirib, juftlikning raqsini takrorlashga harakat qildi. Haqiqatan ham, telugu tilida ijro etilgan ushbu qo‘shiqning sadolari bilan bir joyda shunchaki turish mumkin emas.
Kino mutaxassislar ijtimoiy tarmoq foydalanuvchilari bilan bir xil fikrda edi: vokal-raqs nomeri “Oskar — 2023” va “Oltin globus — 2023” mukofotiga nomzodlar ro‘yxatiga kiritildi. “Oltin globus” mukofotining natijalari e’lon qilindi: Naatu Naatu hind filmilaridagi musiqalar orasidan nufuzli jahon mukofotiga sazovor bo‘lgan birinchi qo‘shiq bo‘ldi.
Hind kinosi bir necha o‘n yillar davomida butun dunyo bo‘ylab millionlab muxlislariga ajoyib motivlar va raqslarni taqdim etib kelayotgani hisobga olinganda, bu ajablanarli holat ekanini aytish mumkin. Umuman olganda, 2008-yilda “Xarobadan chiqqan millioner” filmidagi hind qo‘shig‘i “Oskar” mukofotiga sazovor bo‘lganini yodga olish kerak, biroq bu film britaniyalik Denni Boyl boshchiligidagi transmilliy loyiha edi.
Naatu Naatu qo‘shig‘ini va undagi raqsni kimlar o‘ylab topgan?
Bu masala butunlay hind kinoijodkorlarining sa’y-harakatlari va xizmatlari samarasi hisoblanadi. Qo‘shiqni bastakor Kiravani va shoir Chandrabos yozgan, Rahul Sipligunj va Kaala Bhayrava esa uni kuylangan. Filmning bosh qahramonlari, telugu aktyorlari Ram Charam va kichik Rama Rao, ajoyib raqqoslar, ular xoreograf Prem Rakshitning dramatik qarashlarini mukammal tarzda raqsda aks ettirib bergan.
Naatu Naatu qo‘shig‘i nima haqida?
Film sujetiga ko‘ra, hindistonlik aka-ukalar britaniyalik boylarning (ular bir-biriga do‘st bo‘lmaydi) mulkidagi bazmda paydo bo‘lib, raqs bellashuvini uyushtiradi. Bu voqea o‘tgan asrning 20-yillarida sodir bo‘ladi va voqealarning bunday rivojlanishi ssenariy mualliflarining ixtirosi emas. Raqs marafonlari o‘sha yillardagi yoshlar orasida juda mashhur bo‘lib, unda eng bardoshli va mohirlar g‘olib bo‘lishgan, qolganlari esa tom ma’noda charchoqdan yiqilib tushgan. To‘g‘ri, hind kinosida bu biroz epik tarzda ko‘rsatilgan.
Qo‘shiq matni aslida, Naatu Naatu raqsini qanday ijro etish kerakligini badiiy tasvirlashga bag‘ishlangan. Uning harakatlari yirtqich hayvon bilan jang, achchiq, yashil qalampir yeyish va qushning baland ovozda qo‘shiq aytishi bilan taqqoslanadi.
Hind kinosidagidek raqsga tushishni o‘rganish mumkinmi?
“RRR: Inqilob yaqinlashmoqda” filmidagi nomerning ustun tomoni shundaki, u hind san’atining qadimiy an’analari va zamonaviy raqslarini uyg‘unlashtirib, ritual harakatlarni 6/8 ritmda xip-xop amaliyoti bilan aralashtirib yuborgan. Naatu Naatu raqsining markazida ilgak qadam, harakatlar ketma-ketligi mavjud, uni tayyorgarliksiz takrorlash oson emas, biroq qattiq mashq qilsangiz raqsni ijro eta olishingiz mumkin.
Filmdagi ikkala raqqos ham juda aniq va tez oyoq harakatini namoyish etadi. Ushbu uslub mukammal tayyorgarlik va jiddiy jismoniy kuch talab qiladi, tashqaridan ko‘rib baho berish mumkinki, ijrochilar tom ma’noda kolibri qushi kabi uchib yuradi.
Ram ham, Rama ham Bollivudni (aniqrog‘i, Tollivud — telugu tilidagi kino sanoat shunday nomlanadi) izolyatsiyalash texnikasini mukammal egallaydi, raqsda bosh harakatsiz qoladi va tana aqlbovar qilmaydigan narsani qiladi.
Izoh (0)