Ushbu filmlarning har birini bolalar bilan, ekran oldida butun oila davrasida bemalol tomosha qilish mumkin, deb yozadi “Noviy ochag”.
“Marli va men” (2008)
Yosh turmush qurgan er-xotin jurnalistlar boshqa shaharga ko‘chib o‘tadi: yangi ish, yangi muhit, qattiq stress va bola haqida o‘ylash vaqti keldi. Ular avval it boqib olishga qaror qiladi. Chunki kimdir ularga kuchukchani tarbiyalash inson bolasini tarbiyalashni boshlashdan oldin eng yaxshi mashg‘ulot ekanini aytdi. Ammo hech kim ularni itning yoqimli uy hayvoni emas, balki juda zararli va o‘jar jonzotga aylanishi mumkinligi haqida ogohlantirmagan.
“Xarobadan chiqqan millioner” (2008)
Teleko‘rsatuvlar pul topish va mashhur bo‘lishning xavfli usulidir. Mumbayning eng qashshoq tumanida yashovchi 18 yoshli yetim Jamol bunga tezda ishonch hosil qiladi. U deyarli barcha savollarga javoblarni biladi, ko‘rsatuvga tasodifan kelmagan. Shuning uchun iroda va maqsad sari intilish haqidagi ushbu go‘zal va ta’sirli filmni tomosha qiling.
“Qiz va tulki” (2007)
Dehqonning qizi o‘n yoshli Lulu bir kuni o‘rmonda tulki bolasini uchratib qoladi. Qisqa tanishuvdan so‘ng u qochib ketadi, lekin Lulu uni yana ko‘rishni orzu qiladi. Qiz va tulki do‘stlashadi, tulki esa hatto uy hayvoni bo‘lishga harakat qiladi. Lekin voqealar ko‘pchilik o‘ylaganidek davom etmaydi.
“Oppog‘oy: gnomlarning qasosi” (2012)
Juliya Roberts va Lili Kollinz tomonidan ijro etilgan ajoyib ertak: Oppog‘oyning o‘gay onasi sehrli mamlakatda hokimiyatni qo‘lga kiritadi va mo‘rt davlatni izdan chiqarmoqchi bo‘ladi. Oppog‘oyning o‘zi saroydan qochib ketadi. Filmning davomini esa tomosha qilib, bilib olish mumkin.
“Cheksiz hikoya” (1984)
10 yoshli Bastianning qalbiga sehrli xayolot olami haqidagi eski va nihoyatda go‘zal ertak yashiringan. Haqiqiy dunyoda bolaning hayoti juda achinarli, ammo ertak olamida uning do‘stlari va o‘z hayotini xavf ostiga qo‘yib, yordam beradigan odamlari bo‘ladi. Keyin ma’lum bo‘ladiki, bu ikki dunyoda sodir bo‘layotgan voqealar bir-biriga ta’sir qiladi.
“1+1” (2012)
Shol bo‘lgan boy aristokrat hamma narsadan to‘ygan. Bu orada qora tanli bezori unga yordamchi sifatida yollanadi. Keyinchalik erkak undan juda ko‘p narsalarni o‘rganadi, masalan, pul hayotda asosiy narsa emasligi, hayotning mazmunini turli sharoitlardan topish mumkinligi, sarguzashtlar esa kutilmaganda sodir bo‘lishini. Kulguli voqealarga boy ajoyib filmni tomosha qilmaslikning iloji yo‘q.
“Kelajakka qaytib” (1985)
Agar allaqachon tomosha qilgan bo‘lsangiz, uni qayta ko‘rish vaqti keldi. Vaqt mashinasidan qanday qilib to‘g‘ri foydalanish kerak? Uzoq vaqt oldin sodir bo‘lgan narsani tuzatish mumkinmi? Bolalikdagi ajoyib film, uni shunchaki bolalarga ko‘rsatish va ularning g‘alati kiyimlari, soch turmagi va uy jihozlari haqidagi barcha savollariga javob berish kerak.
“Ajdarho o‘rgatuvchilar” (2010)
Kichkina, ammo jasur qabila boshlig‘ining o‘g‘li bo‘lish katta mas’uliyat: hamma undan katta narsalarni kutadi. Lekin bola buning uchun ko‘p mehnat qilishi kerak. Shunday bo‘ladiki, u ajdarlar haqida muhim narsani o‘rganadi. Xarakterning mustahkamligi, jasorat va ochiqlik haqidagi eng yaxshi oilaviy filmlardan biri.
“Yuqoriga” (2009)
Hayot qanchalik tez o‘tishi haqidagi to‘liq metrajli multfilm. Karl va Elli ko‘p yillar davomida birga baxtli yashaydi, lekin ular farzand ko‘rmaydi. Qariganda beva qolgan Karl sayohatga chiqadi. Sayohatga oddiy emas, noodatiy tarzd chiqishga qaror qiladi. Multfilmni nafaqat bolalar, balki kattalar ham tomosha qilishi mumkin.
Izoh (0)