Ушбу фильмларнинг ҳар бирини болалар билан, экран олдида бутун оила даврасида бемалол томоша қилиш мумкин, деб ёзади «Новий очаг».
«Марли ва мен» (2008)
Ёш турмуш қурган эр-хотин журналистлар бошқа шаҳарга кўчиб ўтади: янги иш, янги муҳит, қаттиқ стресс ва бола ҳақида ўйлаш вақти келди. Улар аввал ит боқиб олишга қарор қилади. Чунки кимдир уларга кучукчани тарбиялаш инсон боласини тарбиялашни бошлашдан олдин энг яхши машғулот эканини айтди. Аммо ҳеч ким уларни итнинг ёқимли уй ҳайвони эмас, балки жуда зарарли ва ўжар жонзотга айланиши мумкинлиги ҳақида огоҳлантирмаган.
«Харобадан чиққан миллионер» (2008)
Телекўрсатувлар пул топиш ва машҳур бўлишнинг хавфли усулидир. Мумбайнинг энг қашшоқ туманида яшовчи 18 ёшли етим Жамол бунга тезда ишонч ҳосил қилади. У деярли барча саволларга жавобларни билади, кўрсатувга тасодифан келмаган. Шунинг учун ирода ва мақсад сари интилиш ҳақидаги ушбу гўзал ва таъсирли фильмни томоша қилинг.
«Қиз ва тулки» (2007)
Деҳқоннинг қизи ўн ёшли Лулу бир куни ўрмонда тулки боласини учратиб қолади. Қисқа танишувдан сўнг у қочиб кетади, лекин Лулу уни яна кўришни орзу қилади. Қиз ва тулки дўстлашади, тулки эса ҳатто уй ҳайвони бўлишга ҳаракат қилади. Лекин воқеалар кўпчилик ўйлаганидек давом этмайди.
«Оппоғой: гномларнинг қасоси» (2012)
Жулия Робертс ва Лили Коллинз томонидан ижро этилган ажойиб эртак: Оппоғойнинг ўгай онаси сеҳрли мамлакатда ҳокимиятни қўлга киритади ва мўрт давлатни издан чиқармоқчи бўлади. Оппоғойнинг ўзи саройдан қочиб кетади. Фильмнинг давомини эса томоша қилиб, билиб олиш мумкин.
«Чексиз ҳикоя» (1984)
10 ёшли Бастианнинг қалбига сеҳрли хаёлот олами ҳақидаги эски ва ниҳоятда гўзал эртак яширинган. Ҳақиқий дунёда боланинг ҳаёти жуда ачинарли, аммо эртак оламида унинг дўстлари ва ўз ҳаётини хавф остига қўйиб, ёрдам берадиган одамлари бўлади. Кейин маълум бўладики, бу икки дунёда содир бўлаётган воқеалар бир-бирига таъсир қилади.
«1+1» (2012)
Шол бўлган бой аристократ ҳамма нарсадан тўйган. Бу орада қора танли безори унга ёрдамчи сифатида ёлланади. Кейинчалик эркак ундан жуда кўп нарсаларни ўрганади, масалан, пул ҳаётда асосий нарса эмаслиги, ҳаётнинг мазмунини турли шароитлардан топиш мумкинлиги, саргузаштлар эса кутилмаганда содир бўлишини. Кулгули воқеаларга бой ажойиб фильмни томоша қилмасликнинг иложи йўқ.
«Келажакка қайтиб» (1985)
Агар аллақачон томоша қилган бўлсангиз, уни қайта кўриш вақти келди. Вақт машинасидан қандай қилиб тўғри фойдаланиш керак? Узоқ вақт олдин содир бўлган нарсани тузатиш мумкинми? Болаликдаги ажойиб фильм, уни шунчаки болаларга кўрсатиш ва уларнинг ғалати кийимлари, соч турмаги ва уй жиҳозлари ҳақидаги барча саволларига жавоб бериш керак.
«Аждарҳо ўргатувчилар» (2010)
Кичкина, аммо жасур қабила бошлиғининг ўғли бўлиш катта масъулият: ҳамма ундан катта нарсаларни кутади. Лекин бола бунинг учун кўп меҳнат қилиши керак. Шундай бўладики, у аждарлар ҳақида муҳим нарсани ўрганади. Характернинг мустаҳкамлиги, жасорат ва очиқлик ҳақидаги энг яхши оилавий фильмлардан бири.
«Юқорига» (2009)
Ҳаёт қанчалик тез ўтиши ҳақидаги тўлиқ метражли мультфильм. Карл ва Элли кўп йиллар давомида бирга бахтли яшайди, лекин улар фарзанд кўрмайди. Қариганда бева қолган Карл саёҳатга чиқади. Саёҳатга оддий эмас, ноодатий тарзд чиқишга қарор қилади. Мультфильмни нафақат болалар, балки катталар ҳам томоша қилиши мумкин.
Изоҳ (0)