Yangi yil bayrami bu — dam olishning o‘ziga xos turi, ammo undan keyin tiklanish uchun yanada ko‘proq hordiq chiqarish kerak. Buning uchun biror joyga borish shart emas. “Noviy ochag” nashri tavsiya etgan quyidagi filmlar 10 taligi hordiq chiqarishga va zavqlanishga yordam beradi.
“Ye, ibodat qil, sev” (“Eat Pray Love”)
Elizabet Gilbertning hayratlanarli darajada ijobiy va hayotni tasdiqlovchi avtobiografik hikoyasi mashhurlikka erishdi. Bu o‘rta yoshdagi inqirozni boshdan kechirayotgan va hayotga bo‘lgan ishtiyoqini qaytarish uchun sayohatga chiqishga qaror qilgan ayol haqida film. 8 yillik turmushdan so‘ng, Elizabet eriga oilali ayol bo‘lishni xohlamasligini aytadi. Ajrimdan keyin u o‘zini topish uchun Italiyaga, so‘ngra Hindistonga yo‘l oladi va bir qancha sarguzashtlarni boshdan kechiradi.
“Men va mening soyam”
Filmni oila davrasida tomosha qilish mumkin. Sujetga ko‘ra, ikkita bir-biriga o‘xshash qiz (ularni opa-singillar Olsen o‘ynaydi) o‘rmondagi yo‘lda tasodifan uchrashadi. Alissa millioner dadasi bilan qasrda, Amanda esa bolalar uyida yashaydi. Qizlar bir-birlarining hayotida yashab ko‘rishga qaror qiladi. Hayot qizlarga kutilmagan hodisalarni taqdim qila boshlaydi.
“Qudratli Bryus”
Bryusda baxtli bo‘lish uchun hamma narsa bor: u jurnalist, televideniyeda ishlaydi, tomoshabinlar uni taniydi. Greys bilan yashaydi, uni sevadi. Lekin Bryus hayotdan shikoyat qiladi va doimo Xudodan bularning barchasi nima uchun kerakligini so‘raydi. Bryus Jim Kerrining eng yaxshi rollaridan biri va bu filmni tomosha qilishga arziydi.
“Taklif”
Nyu-Yorkda top-menejer bo‘lib ishlaydigan kanadalik Margaret (Sandra Bullok o‘ynagan) ning vizasi muddatidan o‘tib ketadi. Ayol vataniga deportatsiya qilinishi kutilmoqda. Bunga yo‘l qo‘ymaslik uchun Margaret yordamchisi Endryuga zudlik bilan turmush qurishni taklif qiladi. Buning uchun u hatto ko‘chada tiz cho‘kib, hammaning oldida uning qo‘lini so‘rashga tayyor.
“Ayollar nimani xohlaydi”
Reklama agentligida ishlaydigan va uzoq vaqtdan beri kreativ direktor lavozimini kutayotgan Mel Gibsonning qahramoni Nik buni aniqlashga harakat qilmoqda. Biroq kompaniyada birdaniga raqib Darsi Makgayr paydo bo‘lib, agentlik strategiyasini o‘zgartirib, uning maqsadli auditoriyasi endi ayollar ekanini e’lon qiladi. Darsi yangi loyihada ishtirok etayotgan barcha xodimlarni o‘zini ayollar kabi his qilishga taklif qiladi. Ammo to‘satdan yuz bergan noxush voqeadan so‘ng ajoyib qobiliyatga ega bo‘lib qoladi.
“Brijit Jonsning kundaligi”
Kassada 280 million dollar to‘plagan mashhur film. Kartina ssenariysi yolg‘iz ayolning hayoti haqidagi voqealar asosiga qurilgan. Brijitning sarguzashtlari ortidan millionlab ayollar o‘zlarini unda ko‘radi. Ushbu filmni ko‘p marta ko‘rgan bo‘lsangiz ham, uni takrorlaganingizdan umuman afsuslanmaysiz.
“Amerikaga sayohat”
Oq otli shahzoda izlayotganlar uchun. Filmda Zamunda qirolligining valiahd shahzodasi Akim Amerikaga uni maqomi uchun emas, balki o‘zini sevadigan ayolni topish uchun sayohat qiladi. Orzusidagi qiz Liza Makdauellni uchratgan Akim unga o‘zini kambag‘al echki boquvchilar oilasidan chiqqan oddiy yigitdek ko‘rsatadi.
“Ko‘l bo‘yidagi uy”
Bu hikoya melodramani sevuvchilar uchun. Tanqidchilar sevgi va vaqt sayohati haqidagi ushbu filmga sovuqqonlik bilan munosabatda bo‘ldi. Lekin tomoshabinlar bu hikoyani ko‘p marta tomosha qiladi va bundan zavqlanadi. Axir filmda Sandra Bullok va Kianu Rivz ishtirok etgan, shuning uchun ham bu film qayta ko‘rib chiqishga arziydi.
Izoh (0)