Futbol bo‘yicha Italiya chempionatining 18-turida “Milan” 14-yanvar, shanba kuni “Lechche”ga qarshi bahs olib bordi.
Uchrashuvning 3-daqiqasidayoq mezbonlar hisobda oldinga chiqib oldi. Teo Ernandes o‘z darvozasiga gol urib, “Lechche”ga yordam berib yubordi. 23-daqiqada Federiko Baskirotto “sariq-qizillar”ning ikkinchi goliga mualliflik qildi.
Ikkinchi bo‘limda “Milan” faollikni oshirdi. O‘yinning 58-daqiqasida Rafael Leau hisobni qisqartirdi. 70-daqiqada esa Davide Kalabriya muvozanatni tikladi.
Ushbu durang natijadan so‘ng “Milan” ochkolarini 38 taga yetkazib, 2-o‘rinni egallab turibdi.
A Seriya
18-tur bahsi
14-yanvar, shanba
“Lechche” – “Milan” 2:2
Gollar: 1:0 – 3 Ernandes (avtogol), 2:0 – 23 Baskirotto, 2:1 – 58 Rafael Leau, 2:2 – 70 Kalabriya.“Lechche”: Falkone, Jandre, Umtiti, Baskirotto, Pessella (Gallo, 62), Blen, Yulmand, Gonsales (Male, 62), Di Franchesko (Banda, 72), Espeto, Kolombo (Volkerling, 72).
“Milan”: Teterushanu, Kalabriya (Kyer, 86), Tomori, Kalulu, Ernandes (Dest, 46), Bennaser, Braim Dias (Origi, 69), Pobega (Vranks, 86), Salemakers (Messias, 46), Jiru, Rafael Leau.
Ogohlantirishlar: Male (64), Kalabriya (66), Bennaser (86).
Izoh (0)