Lifehacker nashri taqdim etgan usullar kiyimlardagi yog‘ dog‘larini tozalashga yordam beradi.
- Qurib qolgan dog‘larga qaraganda yangi dog‘lardan xalos bo‘lish osonroq. Shuning uchun tozalashni kechiktirmaslik kerak.
- Avval dog‘ni alohida tozalamasdan kir mashinasida yuvmaslik lozim. Aks holda dog‘ni ketkazish ancha qiyinlashadi.
- Har qanday dog‘ni tozalash avval kiyimning ko‘zga tashlanmaydigan joyida tekshirilishi kerak. Shundagina matoning rangi zarar ko‘rmasligiga ishonch hosil qilish mumkin.
- Agar tanlangan mahsulot dog‘ni bartaraf eta olmasa, avvalgisini suv bilan ozgina yuvib, boshqasini sinab ko‘rish lozim.
Bu eng samarali usullardan biridir. Suyuqlik dog‘ yuzasiga surtiladi va 10-15 daqiqa yoki undan ko‘proq vaqtga qoldiriladi. Keyin kir yuvish mashinasida yuviladi.
Kirsovun
Issiq suv yordamida dog‘ yaxshilab sovunlanadi va kamida 2 soatga qoldiriladi. Keyin buyum qo‘lda yoki mashinada yuviladi.
Bo‘r
Bo‘r maydalanadi, u dog‘ yuzasiga sepiladi va bir soatga qoldiriladi. So‘ngra yuviladi.
Tish tozalash kukuni
Dog‘li joyga tish tozalash kukuni sepiladi. Ustiga qog‘oz salfetka qo‘yib, dazmollanadi. Jarayon bir necha marta takrorlangach bir kechaga qoldiriladi va yuviladi.
Tuz va iste’mol sodasi
Agar dog‘ hali qurishga ulgurmagan bo‘lsa, uni tuz bilan yaxshilab ishqalash mumkin. Tuz yog‘ni shimib oladi. Uni vaqti-vaqti bilan yangilash va dog‘ yo‘qolguncha artib turish kerak.
Qurigan dog‘ga qarshi tuz va soda aralashmasidan foydalanish ham mumkin. 1 choy qoshiqda tuz va soda olinib, 150 ml qaynoq suvda eritib olinadi, eritma dog‘li joyga surtiladi va bir soatga qoldiriladi. Keyin kir yuvish mashinasida yuviladi.
Kraxmal va sut
50 ml sutda 4 osh qoshiq kartoshka kraxmali suyultiriladi. Aralashma dog‘ ustiga surtiladi va quritish uchun bir kechaga qoldiriladi. Keyin massa nam gubka bilan ishqalanib, suv ostida tozalanadi va yaxshilab yuviladi.
Talk
Dog‘ ustiga qalin talk surtiladi va bir necha soat yoki bir kechaga qoldiriladi. Keyin kiyimni yuvmasa ham bo‘ladi, shunchaki talk sepilgan joyni yaxshilab silkitish kifoya.
Izoh (0)