Ko‘plab insonlar qishki ta’tilni uyda, yaqinlariga vaqt ajratib o‘tkazadi. O‘zbek shou-biznesi vakillari orasida qishki ta’tilni chet elda o‘tkazayotganlari ham bor: kimdir issiq davlatga borishni ma’qul ko‘rgan bo‘lsa, yana kimdir sayohat uchun mo‘ljallangan mamlakatlarda o‘zi va yaqinlariga vaqt ajratib dam olmoqda.
Yulduz Usmonova
O‘zbekiston xalq artisti Yulduz Usmonova turmush o‘rtog‘i Mansur Agaliyev bilan ayni paytda Dubayda bo‘lib turibdi.
Manzura
Xonanda Manzura qishki ta’tilni Dubayda o‘tkazmoqda. U Dubay ko‘chalarida pianino chalib, sayyohlarga ko‘tarinki kayfiyat ulashayotgani aks etgan videoni obunachilariga ko‘rsatdi. Shuningdek, xonanda Yangi yil bayramini ham Dubayda kutib oldi.
Ulug‘bek Rahmatullayev
Ulug‘bek Rahmatullayev ham oila a’zolari bilan qishki ta’tilda Dubayda dam oldi. Xonanda Dubayda yashovchi muxlislarining uyida mehmon bo‘lgani aks etgan videoni sahifasiga joyladi.
Shahzoda
Xonanda Shahzoda ham kichkina o‘g‘li Xalid bilan qishki ta’tilni dunyodagi eng ko‘p sayyoh tashrif buyuruvchi shaharlardan biri — Dubayda o‘tkazmoqda. Shahzoda dugonasi bilan olingan videosi va o‘g‘lining turkiyalik taniqli oshpaz va restorator Nusret Go‘kche bilan tushgan suratini obunachilariga taqdim etdi.
Zuhra Soliyeva
Aktrisa Zuhra Soliyeva ham yaqinlari bilan Turkiyaning Istanbul shahrida dam olayotganini ma’lum qildi.
Bobur Yo‘ldoshev
Aktyor Bobur Yo‘ldoshev “Osmondagi bolalar-3” filmining Mayamidagi suratga olish ishlarida ishtirok etmoqda. U vertolyotda uchgani aks etgan videoni obunachilariga ko‘rsatdi.
Mavluda Asalxo‘jayeva
Xonanda Mavluda Asalxo‘jayeva oila a’zolari bilan Umra safarini ado etayotgani haqida muxlislariga gapirib berdi.
Dilso‘z
Xonanda Dilso‘z ham Umra safarini ado etayotganini ma’lum qildi.
Ozoda Nursaidova
Xonanda Ozoda Nursaidova singlisi va jiyani bilan qishki ta’tilni Turkiyaning Istanbul shahrida o‘tkazmoqda. U Yangi yil bayramini ham Turkiyada kutib oldi, bundan tashqari, muxlislariga sayohati davomida olgan videolarini taqdim etdi.
Farhod va Shirin
“Farhod va Shirin” dueti xonandalari yaqinlari bilan Yangi yil bayramini AQSHda kutib oldi. Amerikadagi o‘zbeklar uchun konsert bergan Farhod va Shirin Nyu-York va Vashingtonda tushgan video, suratlarini muxlislariga namoyish qildi.
Xonandalar instabloger, aktyor Otabek Mahkamov bilan “Uyda yolg‘iz” filmi suratga olingan Plaza mehmonxonasiga ham bordi.
Hosila Rahimova
Xonanda Hosila Rahimova Yangi yil bayramini o‘g‘li Muhammadrizo bilan Nyu-Yorkda qarshi oldi. Shuningdek, Hosila Rahimova ham sayohati davomida “Uyda yolg‘iz” filmi suratga olingan Plaza mehmonxonasiga borib, o‘g‘lining bolalikdagi orzusini amalga oshirgani haqida gapirib berdi.
U sayohati davomida AQSHda joylashgan hayvonot bog‘iga tashrif buyurib, o‘g‘li bilan olgan videolarini muxlislariga ko‘rsatdi.
Ozod Xurramov
Instabloger, vayner Liil Xurramov obunachilariga hayotidagi eng unutilmas Yangi yil bayramini chet elda kutib olishini va qishki ta’tilini ham o‘sha yerda o‘tkazishi haqida gapirib bergan edi. Hozirda Ozod Xurramov ham ko‘plab o‘zbek shou-biznesi vakillari singari qishki ta’tilni AQSHda o‘tkazmoqda.
U Nyu-York, Manxetten ko‘chalari bo‘ylab sayr qilgani aks etgan, u yerdagi narx-navolar haqidagi videolarni muxlislari bilan bo‘lishdi.
Husnora Shodiyeva
Instabloger, xonanda Husnora Shodiyeva qishki ta’tilni o‘g‘li bilan Tailandda o‘tkazishni ma’qul ko‘rdi. U sayohati davomida olgan video va suratlarini muxlislariga taqdim etdi va hamisha orzuga ishonish kerakligini aytdi.
Parizoda
Mahoratli raqqosa Parizoda oila a’zolari bilan Turkiyaga borgani va u yerda jarrohlik operatsiyasini boshdan kechirgani haqida muxlislariga gapirib berdi.
Parizoda uch soat davom etgan operatsiyadan keyin muxlislariga ahvoli yaxshi ekanini, o‘zini yaxshi his etayotganini aytdi. Shundan keyin u qizalog‘i bilan Turkiya ko‘chalari bo‘ylab sayr qilgani aks etgan videolarni sahifasiga joyladi.
Zohirshoh Jo‘rayev
Xonanda Zohirshoh Jo‘rayev Umra safarini ado etayotganini va barcha muxlislarining yaxshi niyatlari amalga oshishida tilakdosh ekanini aytdi.
Mavzuga doir:
- Konsert bermaydi, qoshlarini termaydi, ro‘mol va do‘ppisiz sahnaga chiqmaydi. O‘zbek shou-biznesidagi an’anasiga sodiq mashhurlar.
- “Akamning janozasi kuni beshta to‘y o‘tkazganman”. Yaqin insoni vafot etgan kunda ham kasbi taqоzo etadigan vazifasini ado etgan mashhurlar.
- 2022-yilda o‘z baxtini topib, oila qurgan o‘zbekistonlik mashhurlar (foto, video).
- Uch ming dollarlik kostyum va 700 ming dollarlik zirak: O‘zbekistonlik mashhurlar garderobidagi eng qimmat buyumlar (video).
Izoh (0)