Кўплаб инсонлар қишки таътилни уйда, яқинларига вақт ажратиб ўтказади. Ўзбек шоу-бизнеси вакиллари орасида қишки таътилни чет элда ўтказаётганлари ҳам бор: кимдир иссиқ давлатга боришни маъқул кўрган бўлса, яна кимдир саёҳат учун мўлжалланган мамлакатларда ўзи ва яқинларига вақт ажратиб дам олмоқда.
Юлдуз Усмонова
Ўзбекистон халқ артисти Юлдуз Усмонова турмуш ўртоғи Мансур Агалиев билан айни пайтда Дубайда бўлиб турибди.
Манзура
Хонанда Манзура қишки таътилни Дубайда ўтказмоқда. У Дубай кўчаларида пианино чалиб, сайёҳларга кўтаринки кайфият улашаётгани акс этган видеони обуначиларига кўрсатди. Шунингдек, хонанда Янги йил байрамини ҳам Дубайда кутиб олди.
Улуғбек Раҳматуллаев
Улуғбек Раҳматуллаев ҳам оила аъзолари билан қишки таътилда Дубайда дам олди. Хонанда Дубайда яшовчи мухлисларининг уйида меҳмон бўлгани акс этган видеони саҳифасига жойлади.
Шаҳзода
Хонанда Шаҳзода ҳам кичкина ўғли Халид билан қишки таътилни дунёдаги энг кўп сайёҳ ташриф буюрувчи шаҳарлардан бири — Дубайда ўтказмоқда. Шаҳзода дугонаси билан олинган видеоси ва ўғлининг туркиялик таниқли ошпаз ва ресторатор Нусрет Гўкче билан тушган суратини обуначиларига тақдим этди.
Зуҳра Солиева
Актриса Зуҳра Солиева ҳам яқинлари билан Туркиянинг Истанбул шаҳрида дам олаётганини маълум қилди.
Бобур Йўлдошев
Актёр Бобур Йўлдошев «Осмондаги болалар-3» фильмининг Майамидаги суратга олиш ишларида иштирок этмоқда. У вертолётда учгани акс этган видеони обуначиларига кўрсатди.
Мавлуда Асалхўжаева
Хонанда Мавлуда Асалхўжаева оила аъзолари билан Умра сафарини адо этаётгани ҳақида мухлисларига гапириб берди.
Дилсўз
Хонанда Дилсўз ҳам Умра сафарини адо этаётганини маълум қилди.
Озода Нурсаидова
Хонанда Озода Нурсаидова синглиси ва жияни билан қишки таътилни Туркиянинг Истанбул шаҳрида ўтказмоқда. У Янги йил байрамини ҳам Туркияда кутиб олди, бундан ташқари, мухлисларига саёҳати давомида олган видеоларини тақдим этди.
Фарҳод ва Ширин
«Фарҳод ва Ширин» дуэти хонандалари яқинлари билан Янги йил байрамини АҚШда кутиб олди. Америкадаги ўзбеклар учун концерт берган Фарҳод ва Ширин Нью-Йорк ва Вашингтонда тушган видео, суратларини мухлисларига намойиш қилди.
Хонандалар инстаблогер, актёр Отабек Маҳкамов билан «Уйда ёлғиз» фильми суратга олинган Plaza меҳмонхонасига ҳам борди.
Ҳосила Раҳимова
Хонанда Ҳосила Раҳимова Янги йил байрамини ўғли Муҳаммадризо билан Нью-Йоркда қарши олди. Шунингдек, Ҳосила Раҳимова ҳам саёҳати давомида «Уйда ёлғиз» фильми суратга олинган Plaza меҳмонхонасига бориб, ўғлининг болаликдаги орзусини амалга оширгани ҳақида гапириб берди.
У саёҳати давомида АҚШда жойлашган ҳайвонот боғига ташриф буюриб, ўғли билан олган видеоларини мухлисларига кўрсатди.
Озод Хуррамов
Инстаблогер, вайнер Liil Xurramov обуначиларига ҳаётидаги энг унутилмас Янги йил байрамини чет элда кутиб олишини ва қишки таътилини ҳам ўша ерда ўтказиши ҳақида гапириб берган эди. Ҳозирда Озод Хуррамов ҳам кўплаб ўзбек шоу-бизнеси вакиллари сингари қишки таътилни АҚШда ўтказмоқда.
У Нью-Йорк, Манхэттен кўчалари бўйлаб сайр қилгани акс этган, у ердаги нарх-наволар ҳақидаги видеоларни мухлислари билан бўлишди.
Ҳуснора Шодиева
Инстаблогер, хонанда Ҳуснора Шодиева қишки таътилни ўғли билан Таиландда ўтказишни маъқул кўрди. У саёҳати давомида олган видео ва суратларини мухлисларига тақдим этди ва ҳамиша орзуга ишониш кераклигини айтди.
Паризода
Маҳоратли раққоса Паризода оила аъзолари билан Туркияга боргани ва у ерда жарроҳлик операциясини бошдан кечиргани ҳақида мухлисларига гапириб берди.
Паризода уч соат давом этган операциядан кейин мухлисларига аҳволи яхши эканини, ўзини яхши ҳис этаётганини айтди. Шундан кейин у қизалоғи билан Туркия кўчалари бўйлаб сайр қилгани акс этган видеоларни саҳифасига жойлади.
Зоҳиршоҳ Жўраев
Хонанда Зоҳиршоҳ Жўраев Умра сафарини адо этаётганини ва барча мухлисларининг яхши ниятлари амалга ошишида тилакдош эканини айтди.
Мавзуга доир:
- Концерт бермайди, қошларини термайди, рўмол ва дўпписиз саҳнага чиқмайди. Ўзбек шоу-бизнесидаги анъанасига содиқ машҳурлар.
- «Акамнинг жанозаси куни бешта тўй ўтказганман». Яқин инсони вафот этган кунда ҳам касби тақозо этадиган вазифасини адо этган машҳурлар.
- 2022 йилда ўз бахтини топиб, оила қурган ўзбекистонлик машҳурлар (фото, видео).
- Уч минг долларлик костюм ва 700 минг долларлик зирак: Ўзбекистонлик машҳурлар гардеробидаги энг қиммат буюмлар (видео).
Изоҳ (0)