Toshkentdagi “Chilonzor buyum savdo kompleksi” hududidagi savdo rastasi “naves”i qulab tushdi.
Poytaxt IIBB matbuot xizmatining ma’lum qilishicha, 10-yanvar kuni ushbu bozor hududidagi 3-, 4-ayvonlar yon tomoni va 5-, 6-ayvonlar orqa tomonida yo‘laklarda o‘rnatilgan soyabonlar (naves) qor qalin yog‘ganligi sababli og‘irlikni ko‘tara olmay egilib tushgan.
Shu hududdagi fuqarolar va tadbirkorlar xavfsizligini ta’minlash maqsadida evakuatsiya qilindi. Ushbu savdo do‘konlari bozor ma’muriyati bilan hamkorlikda vaqtincha yopildi.
Hodisa natijasida tan jarohati olganlar yo‘q.
Izoh (0)