Tashqi mehnat migratsiyasi agentligi sovuq ob-havo sababli Qozog‘iston va Rossiyada bo‘lib turgan O‘zbekiston fuqarolariga murojaat bilan chiqdi.
So‘nggi kunlarda Rossiya va Qozog‘iston hududlarida ob-havoning keskin sovushi natijasida yo‘llarda harakatlanish bilan bog‘liq qator noqulayliklar yuzaga kelmoqda. Yaqin haftalar davomida ham sovuq havo harorati saqlanib qolishi xabar qilinmoqda.
Xususan, Qozog‘iston hududi bo‘ylab 10—12-yanvar kunlari havo harorati 43 darajagacha sovishi prognoz qilindi.
Shu munosabat bilan, Tashqi mehnat migratsiyasi agentligi ushbu davlatlarda bo‘lib turgan O‘zbekiston fuqarolaridan yo‘llarda harakatlanishda barcha xavfsizlik qoidalariga qat’iy rioya qilishni, zarurat bo‘lmaganda uzoq masofali yo‘llarda transport vositalarida harakatlanmaslikni so‘radi.
Izoh (0)