O‘zbekistonda noqulay ob-havo sharoiti sababli 10-yanvar kuni qator reyslar kechiktirildi, ayrimlari bekor qilindi. Bu haqda Uzbekistan Airports matbuot xizmati xabar berdi.
Flydubai aviakompaniyasining Dubay—Samarqand yo‘nalishi bo‘yicha FDB769 reysi aeroportdagi noqulay ob-havo sharoiti tufayli Navoiy shahridagi muqobil aerodromga qo‘ngan. Soat 05:04 da samolyot qaytib Samarqandga uchgan.
Qanot Sharq aviakompaniyasining HH756 Moskva—Samarqand yo‘nalishi bo‘yicha parvoz qilayotgan samolyot aeroportdagi noqulay ob-havo sharoiti tufayli Toshkentdagi muqobil aerodromga yo‘naltirilgan.
Uzbekistan Airways’ning HY9605 Samarqand—Moskva, HY639 Samarqand—Sankt-Peterburg yo‘nalishidagi reyslari ob-havo sharoiti tufayli soat 15:00 ga qoldirildi.
Flydubai aviakompaniyasining Samarqand—Dubay yo‘nalishi bo‘yicha FZ770 reysi esa soat 19:00 ga ko‘chirildi.
Hozirda Samarqand aeroportida uchish-qo‘nish yo‘lagini tozalash ishlari munosabati bilan havo kemalarini qabul qilish/jo‘natish bo‘yicha vaqtinchalik cheklovlar joriy etilgan.
Uzbekistan Airways’ning Buxoro—Namangan—Buxoro yo‘nalishi bo‘yicha HY73/74 reyslari, Andijon—Samarqand—Andijon yo‘nalishi bo‘yicha HY049/HY050 reyslari noqulay ob-havo sharoiti tufayli bekor qilindi.
HY091/HY092 Toshkent—Andijon—Toshkent reysi o‘zgartirilgan jadvalga muvofiq amalga oshiriladi. Toshkentdan uchish mahalliy vaqt bilan soat 13:00 da amalga oshiriladi, Andijon aeroportiga yetib kelish soat 14:00. Qaytish reysi bilan soat 16:20 ga belgilangan.
Bundan tashqari, noqulay ob-havo sharoiti sababli Toshkent aeroportida quyidagi yo‘lovchi reyslari kechiktirildi:
- HY011 Toshkent—Nukus mahalliy vaqt bilan 10:30 ga qoldirildi;
- TK369 Toshkent—Istanbul mahalliy vaqt bilan 10:35 ga qoldirildi;
- HY271 Toshkent—Istanbul qatnovi mahalliy vaqt bilan soat 11:00 ga qoldirildi;
- HY065 Toshkent—Termiz mahalliy vaqt bilan soat 14:00 ga qoldirildi.
HY9685 Toshkent—Sochi mahalliy vaqt bilan 10:12 da jo‘nab ketgan.
Izoh (0)