Futbol bo‘yicha Ispaniya La Ligasining 16-turida “Real” 7-yanvar, shanba kuni “Vilyarreal”ga qarshi bahs olib bordi.
Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa “Vilyarreal” hisobni ochdi. 47-daqiqada Yeremi Pino o‘z hisobiga gol yozdirib qo‘ydi. 60-daqiqada esa Karim Benzema penaltidan gol urib, muvozanatni tikladi. Oradan 3 daqiqa o‘tib, mezbonlar yana hisobda oldinga chiqib oldi. Jerar Moreno o‘ziga yuklatilgan penaltini aniq amalga oshirdi. Shu tariqa “qaymoqranglilar” mag‘lubiyatga uchradi.
Madridliklar 38 ochko bilan 2-o‘rinda borayotgan bo‘lsa, g‘alabadan so‘ng “Vilyarreal” ochkolarini 27 taga yetkazib, 5-o‘ringa ko‘tarilib oldi.
La Liga
16-tur bahsi
7-yanvar, shanba
“Vilyarreal” — “Real” 2:1
Gollar: 1:0 – 47 Pino, 1:1 – 60 Benzema (penalti), 2:1 – 63 Jerar Moreno (penalti).“Vilyarreal”: Reyna, Foyt, Albiol, Pau Torres, Alberto Moreno (Pedrasa, 72), Koklen (Trigeros, 89), Parexo, Aleks Baena, Chukvueze, Pino (Morales, 81), Jerar Moreno (Dandjuma, 89).
“Real Madrid”: Kurtua, Militao, Alaba, Ryudiger, Mendi (Rodrigo, 64), Modrich (Kamavinga, 70), Kroos, Tchuameni (Vaskes, 64), Valverde (Asensio, 82), Benzema, Vinisius Junior.
Ogohlanitirishlar: Pau Torres (16), Albiol (75), Baena (90+3), Kamavinga (90+7).
Izoh (0)