Аргентина терма жамоасининг ҳужумчиси Лионель Месси L’Equipe нашри талқинига кўра 2022 йилнинг энг яхши спортчиси деб топилди.
35 ёшли футболчи терма жамоаси билан Қатарда бўлиб ўтган Жаҳон Чемпионатида ғолиб бўлди ва мусобақанинг энг яхши футболчисига айланди.
Овоз бериш натижаларига кўра иккинчи ўринни «ПСЖ» ҳужумчиси Килиан Мбаппе эгаллади. Учинчи ўринда эса теннисчи Рафаэль Надаль турибди. «Реал» ҳужумчиси Карим Бензема эса 6-ўриндан жой олган.
Тўлиқ рўйхат қуйидаги кўринишда:
1. Лионель Месси (футбол, 808 балл);
2. Килиан Мбаппе (футбол, 381);
3. Рафаэль Надаль (теннис, 285);
4. Ремко Эвенепул (велоспорт, 252);
5. Макс Ферстаппен (Формула-1, 196);
6. Карим Бензема (футбол, 195);
7. Арман Дюплантис (енгил атлетика, 185);
8. Стефен Карри (баскетбол, 139);
9. Антуан Дюпон (регби, 105);
10. Давид Попович (сузиш, 98).
Рейтинг яширин овоз бериш натижалари орқали аниқланади. Овоз бериш 20 декабрга қадар давом этган.
2012 йилдан бошлаб соврин Франциядаги энг яхши спортчи учун, жаҳондаги энг яхши спортчи учун алоҳида-алоҳида берилади.
Изоҳ (0)