Европада газ нархи кетма-кет учинчи ҳафта пасаймоқда

ICE маълумотларига кўра, Европада газ нархи 1 000 куб метр учун 750 доллардан пастга тушди. Бу ҳақда «Коммерсантъ» хабар бермоқда.

Маълумотларга кўра, нарх 2022 йил 18 февралдан бери биринчи марта бу даражага тушди.

Нидерландиядаги ТТФ марказида февраль фьючерслари нархи Тошкент вақти билан соат 12:23 ҳолатига кўра 1 000 куб метр учун 733 долларга (МВт/соат учун 67 евро) тушди.

Таъкидланишича, Европада газ нархининг пасайиши кетма-кет учинчи ҳафта давом этмоқда.

20 декабрь куни энергия ресурсининг биржа нархи Уренгой—Помари—Ужгород магистрал газ қувуридаги портлаш фонида 1 МВт/соат учун 114,33 еврогача кўтарилди. Кейинчалик газ нархи ёз бошидаги даражага туша бошлади.

22 декабрь куни Европа Иттифоқи газ нархининг юқори чегарасини МВт/соат учун 180 евро миқдорида тасдиқлади.

Чеклов 2023 йил 15 февралда кучга киради, Европа Комиссияси чегара ҳақидаги келишувни «энергия таъминоти хавфсизлиги ва молиявий бозорлар барқарорлигини» таъминлаш билан изоҳлади.