«ПСЖ» жамоаси Саудия Арабистонининг «Ан-Насср» клубига қарши ўртоқлик ўйини ўтказади.
RMC Sport’нинг хабар қилишича, «ПСЖ» ва «Ан-Насср» 2022 йилнинг январида ўйин ўтказишга келишган, бироқ пандемия туфайли юзага келган тиғиз тақвим боис учрашув бекор қилинган. Қайд этилишича, ўзаро ўйин ўтказиш мажбурияти сақланиб қолган.
Эндиликда «ПСЖ» январда Саудияга йўл олади. Ўйин санаси ҳали аниқ белгиланмаган.
Аввалроқ араб ОАВ «ПСЖ» 19 январь куни Саудия Арабистонининг «Ал-Ҳилол» ҳамда «Ан-Насср» клубларининг энг яхши ўйинчиларидан иборат бирлашган жамоага қарши ўртоқлик ўйини ўтказиши ҳақида ёзганди.
Месси ва Роналду 2020 йилнинг декабридан бери ўзаро тўқнаш келмаяпти. Ўшанда «Ювентус» Чемпионлар Лигасида «Барселона»ни йирик ҳисобда ютган, Роналду дубль қайд этганди.
Изоҳ (0)