Ukrainaning Kiyev viloyatida 31-dekabr kuni Rossiya tomonidan raketa hujumi uyushtirildi. Bu haqda “Kiyev Seychas” Telegram kanali xabar berdi.
Qayd etilishicha, viloyat hududida tushdan keyin havo hujumidan mudofaa tizimi ishlab ketgan. Hududdagi mehmonxona obyektiga zarar yetgan. Shuningdek, Pechersk va Xolosiivsk tumanlarida ham portlashlar bo‘lgan.
Bundan tashqari, Solomyansk tumanidagi ikkita portlashda bir keksa kishi halok bo‘lgan, yana yetti kishi jarohat olgan. Bir kishi juda og‘ir ahvolda qolmoqda. Kiyevga hujum paytida yaponiyalik jurnalist ham yaralangan.
Buyuk Britaniya razvedkasi Rossiya Yangi yil bayramida aholi ruhiyatini buzish uchun Ukrainaga zarba berishini ma’lum qilgandi. Bu Ukraina havo hujumidan mudofaa tizimini bostirish maqsadida amalga oshirilmoqda.
Razvedka o‘z hisobotida 2022-yil 29-dekabrda rus harbiylari Ukrainaning energetika obyektlarini nishonga olib, uzoq masofali hujumlarning navbatdagi to‘lqinini boshlaganini eslatib o‘tgan. Tahlilchilar oktabr oyidan beri Rossiya har 7-10 kunda kuchli zarbalar berish tartibiga amal qilayotganini aytgan.
Izoh (0)