Украинанинг Киев вилоятида 31 декабрь куни Россия томонидан ракета ҳужуми уюштирилди. Бу ҳақда «Киев Сейчас» Telegram канали хабар берди.
Қайд этилишича, вилоят ҳудудида тушдан кейин ҳаво ҳужумидан мудофаа тизими ишлаб кетган. Ҳудуддаги меҳмонхона объектига зарар етган. Шунингдек, Печерск ва Холосиивск туманларида ҳам портлашлар бўлган.
Бундан ташқари, Соломянск туманидаги иккита портлашда бир кекса киши ҳалок бўлган, яна етти киши жароҳат олган. Бир киши жуда оғир аҳволда қолмоқда. Киевга ҳужум пайтида япониялик журналист ҳам яраланган.
Буюк Британия разведкаси Россия Янги йил байрамида аҳоли руҳиятини бузиш учун Украинага зарба беришини маълум қилганди. Бу Украина ҳаво ҳужумидан мудофаа тизимини бостириш мақсадида амалга оширилмоқда.
Разведка ўз ҳисоботида 2022 йил 29 декабрда рус ҳарбийлари Украинанинг энергетика объектларини нишонга олиб, узоқ масофали ҳужумларнинг навбатдаги тўлқинини бошлаганини эслатиб ўтган. Таҳлилчилар октябрь ойидан бери Россия ҳар 7-10 кунда кучли зарбалар бериш тартибига амал қилаётганини айтган.
Изоҳ (0)